Ispaniya terma jamoasi bosh murabbiyi Visente Del Boske «Real» va «Atletiko» Chempionlar ligasi finaliga chiqqani hamda «Sevilya» Evropa ligasi finalida «Liverpul»ga qarshi maydonga tushishi haqida fikr bildirarkan, ushbu holat Ispaniya terma jamoasi rejalariga zid kelganini aytib o'tdi.
- Ispaniyaning uchta klubi evrokuboklar finaliga chiqqani terma jamoa rejalarini buzib yubordi. Bu final bahslarida terma jamoaga nomzod bo'lgan 17 nafar futbolchi maydonga tushadi. Biz ularning barchasini kuzatib boramiz.
Nima bo'lgan taqdirda ham biz terma jamoa ro'yxatini belgilangan muddatda ma'lum qilamiz, ammo bunday sharoitda bu ishni uddalash ancha qiyin bo'ladi, - deydi murabbiy.
Eslatib o'tamiz, Ispaniya terma jamoasi Evropa chempionati guruh bosqichida Chexiya, Turkiya va Xorvatiyaga qarshi maydonga tushadi.

— deya xabar beradi uff.uz nashri.