«Olmaliq» bosh murabbiyi Igor Shkvirin «So'g'diyona»ga qarshi o'yindan so'ng fikrlarini bildirdi.
«Jamoa mag'lub bo'lganida albatta raqibni tabriklayman. Ularni haqli g'alaba bilan tabriklayman. Chunki, ular bizning futbolchilarga qaraganda kuchli ishtiyoq bilan maydonga tushganliklari ko'rinib turgandi.
Yigitlar o'ynashni istashmadi? Agar ular istamaganlarida o'ynamagan bo'lardilar. Balki bugun ularni o'yinga tayyorlay olmagandirmiz. Umuman, bugun oson raqibga qarshi o'ynaganimiz yo'q. Masalan ular «Lokomotiv», «Neftchi» jamoalariga qarshi ham yaxshi o'yin ko'rsatishgandi.
Vaziyatlarni golga aylantira olmadik. Nafaqat bizda, balki ko'plab jamoalarimizda hujumchilar muammosi bor. Terma jamoamizni ham bu masala qiynab kelmoqda. Shuning uchun hujumlarni yakunlash borasida ko'p ishlashimiz lozim», — deydi Igor Shkvirin.
— deya xabar beradi uff.uz nashri.