Londonning "Arsenal" klubi yarim himoyachisi Aaron Remsi tizza jarohati tufayli uch hafta maydonga tusha olmaydi. Bu haqida “kanonirlar” ustozi Arsen Venger xabar berdi. Uelslik futbolchi "Bavariya"ga (2:0) qarshi Chempionlar ligasi o'yinida jarohat orttirib olgan. 24 yoshli futbolchi terma jamoa o'yinlari tufayli yuzaga keladigan keyingi (9-17 noyabr) tanaffusga vaqtida safga qaytishi kutilmoqda. "Kanonirlar" posboni David Ospina ham huddi shuncha muddat o'ynay olmaydi. Joriy mavsumda Remzi “Arsenal” tarkibida barcha musobaqalarda 13 marotaba maydonga tushib, bitta golga mualliflik qilgan.
— deya xabar beradi uff.uz nashri.