Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Angliyaga osiyocha yurish (InterFUTBOL blogi)
«Lester» hujumchisi Shinji Okazaki yaponiyalik futbolchilar orasida «MYu»da o'ynagan Shinji Kagavadan so'ng APLda chempionlik ta'mini totib ko'rgan ikkinchi futbolchiga aylandi. Ushbu fakt o'laroq, Angliya maydonlarida to'p surgan Osiyo, to'g'rirog'i, OFK vakillarini esga olishni lozim topdik. Internet ma'lumotlariga tayanib aytsak, APLda shu paytgacha naq 101ta xorijiy mamlakat futbolchilari o'ynashgan. 101-mamlakat vakili sifatida Burkina-Faso fuqarosi Bertrand Traore («Chelsi») qayd etilgan. U 2015 yilning 5 dekabrida ilk marta maydonda ko'rinish berdi. Shu 101ta mamlakatning 90tasi vakillariga APL o'yinlarida loaqal bitta gol urish nasib etgan.
Endi asosiy mavzuga o'tsak, Osiyo (OFK)dan Janubiy Koreya, Xitoy, Yaponiya, Eron, Ummon, Pokiston va avstraliyalik futbolchilargina Angliyaning elit divizioni klublari safida to'p surishgan. Avstraliya 2006 yili OFK tarkibiga qo'shilgach, Evropaning kuchli 5ta chempionatida faoliyat yurituvchi «osiyolik» futbolchilar safi sezilarli darajada kengaydi. Faqat, APLni olsak, ayni payt ingliz klublarida OFKdan 10 nafar futbolchi bor. Bular - Shinji Okazaki («Lester»), Son Xyun Min («Tottenxem»), Mayya Yoshida («Sautgempton»), Ki Sung Yong («Sanderlend»), Li Chun Yong («Kristan Pelas»), Adam Federichi («Bornmut»), Mile Yedinak («Kristan Pelas»), Jordan Layden («Aston Villa»), Bred Smit («Liverpul»), Mark Shvartser («Lester»).
Umid qilamizki, tez orada o'zbek futboli vakillari ham shiddatli Angliya chempionatiga yo'l ochish uddasidan chiqishadi. Hozircha APL bahslari ta'mini totib ko'rgan ayrim taniqli qit'adoshlarimiz va avstraliyaliklarga alohida ta'rif berib o'tsak.
Xitoy
Li Veyfeng («Everton») - 2002-2003; Li Tie («Everton») - 2002-2004; Sun Jixay («Manchester Siti») - 2002-2008; Dong Fangjuo («Manchester Yunayted») - 2006-2007; Jeng Ji («Charlton Atletik») - 2006-07
Xitoylik futbolchilar orasida Sun Jixay biroz ajralib turadi. U 2002-2008 yillar oralig'ida «Manchester Siti»ning APL doirasidagi naq 123ta o'yinida qatnashgan. E'tiborlisi, «shaharliklar» xitoylik futbolchini 2002 yilning fevralida 2 mln. funtga sotib olishgandi. Vaholanki, o'sha payt «Siti» hozirgidek boy emasdi. Sun Jixay mavsum-2001|2002dayoq, aniqrog'i, oktyabr oyida «Birmingem Siti» darvozasini nishonga olib, APLda gol urish baxtiga muyassar bo'lgan birinchi xitoylikka aylangandi.
Eron
Karim Bageri («Charlton Atletik») - 2000-2001; Andranik Teymuriyan («Bolton», «Fulxem») - 2006-2009; Ashkan Dejaga(«Fulxem») - 2012-2014
Ashkan Dejaga 1986 yilning 5 iyul kuni Tehron shahrida tavallud topgan. Keyinchalik Dejagalar oilasi Berlinga ko'chib o'tgan va Ashkan 16 yoshida Germaniya fuqaroligini olgan. U xususan, 2002-2009 yillar davomida Germaniyaning U-17dan tortib, U-21gacha bo'lgan terma jamoalarida o'ynadi. Lekin 2012 yilga kelib, milliy jamoa masalasida ona yurti - Eronni tanladi. «Fulxem» o'sha yilning 31 avgustida Dejaga transferi uchun «Volfsburg»ga 2,5 mln. dollar to'ladi. Fors yigiti londonliklar bilan 3 yillik shartnoma tuzgandi. E'tiborli fakt, «Fulxem» muxlislari 2013|2014 yillar mavsumi yakuniga ko'ra, Ashkanni klubning eng yaxshi futbolchisi sifatida e'tirof etdilar. Umuman, Dejaga APLda jami 43ta o'yinda maydonga tushib, 5ta gol urgan.
Yaponiya
Kazuyuki Toda («Tottenxem») - 2002-2003; Yunichi Inamoto («Fulxem», «Vest Bromvich») - 2002-2006; Ryo Miyaichi («Bolton», «Uigan Atletik», «Arsenal») - 2011-2014; Xidetoshi Nakata («Bolton») - 2005-2006; Shinji Kagava («Manchester Yunayted») - 2012-2014; Shinji Okazaki («Lester Siti») - 2015-...; Mayya Yoshida («Sautgempton») - 2012-...
Germaniya bundesligasida dahshatli o'ynagan Shinji Kagava 2012 yilning 5 iyunida jonajon klubi - «Borussiya» (Dortmund) bilan xayrlashib, Angliya futboliga yuz burdi. Biroq shu yilning oktyabrida ChL doirasida «Braga»ga qarshi kechgan bahsda jarohatlanib, safdan chiqdi. Achinarlisi, tiklanish jarayoni uzoq davom etib, yanvarga qadar cho'zildi. Shunday bo'lsada, Kagava 2013 yil 2 martda «Norvich» bilan o'yin (4:0)da «xet-trik»ka erishdi. Bungacha osiyolik biror futbolchiga APLning bitta uchrashuvida 3ta gol urish baxti nasib etgan emasdi. Umumiy hisobda aytsak, yapon yigiti Angliya premer-ligasida «MYu» uchun 57ta o'yin o'tkazib, 6ta golga mualliflik qildi. Eng asosiysi esa, debyut mavsumidayoq bo'yniga oltin medal taqib, Angliya chempionligiga erishgan birinchi yapon bo'ldi.
Shinji Okazaki 1986 yil 16 aprelda tug'ilgan. «Lester Siti» safiga o'tgan yilning 26 iyun kuni qo'shildi. Joriy mavsum chempion jamoa safida jami 35ta o'yinda maydonga tushib, 6ta gol urdi. Yana bir ma'lumot: APLning yangi chempioni 2009 (6 iyun), 2011 (6 sentyabr) va 2015 yil (31 mart)larda O'zbekiston terma jamoasi darvozasiga gol urgan. Maydonda asosan o'tkir hujumchi vazifasini bajaruvchi Okazaki shuningdek, evrokuboklarda ham etarli tajriba to'plagan: 15ta o'yin, 3ta gol.
1988 yilning 24 avgust kuni Nagasakida tug'ilgan Mayya Yoshida markaziy himoyachi pozitsiyasida o'ynaydi. U hozirgi klubi bilan mavsum-2012|2013 arafasida 3 yillik shartnoma tuzgandi. Yoshida o'sha payt Yaponiya olimpiya terma jamoasi sardori edi. APLdagi ilk golini 2014 yilning 22 fevralida «Vest Xem» darvozasiga yo'lladi. Premer-ligadagi umumiy statistikasi chakki emas - 81ta o'yin, 3ta gol.
Janubiy Koreya
Li Yong Po («Tottenxem») - 2005-2008; Seul Ki Xyon («Reding», «Fulxem») - 2006-2010; Li Dong Guk («Midlsbro») - 2006-2008; Kim Do Xeon («Vest Bromvich») - 2008-2009; Cho Von Xi («Uigan Atletik») - 2008-2010; Park Chu Yong («Arsenal») - 2011-2012; Ji Dong Von («Sanderlend») - 2011-2012, 2013-2014; Kim Bo Kyung («Kardiff Siti») - 2013-2014; Yun Suk Yong(«KPR») - 2014-2015; Park Ji Sun («Manchester Yunayted», «KPR») - 2005-2013; Ki Sun Yong («Suonsi», «Sanderlend») - 2012-...; Li Chun Yon («Bolton», «Kristal Pelas») - 2009-2012, 2014-...; Son Xyun Min («Tottenxem») - 2015-...
Osiyolik futbolchilar orasida eng sovrindori shubhasiz, Park Ji Sundir: Angliyaning 4 karra chempioni, ChL g'olibi, Klublar o'rtasidagi JCh oltin medali sovrindori... Park 2005 yil yozda shaxsan ser Aleks Fergyuson taklifiga ko'ra, «qizil iblislar» qatoridan joy olgandi. «MYu» uning uchun PSV (Eyndxoven) klubiga 4 mln. funt bergan. «Old Trafford»da undan oldin osiyolik Dong Fangjuo ham o'ynagan, lekin aytarli natijaga erisholmagandi (atigi 1ta o'yin). Park APLdagi ilk golini 2006 yil 5 fevralda «Fulxem»ga qarshi bahsda nishonladi. Umumiy hisobda esa, Angliya elit divizionida 154ta o'yin o'tkazib, 19ta gol urdi.
2012 yilning 24 avgustida «Sounsi» safiga qo'shilgan Ki Sun Yong hamon APLda javlon urmoqda. E'tiborlisi, «oqqushlar» uning uchun o'z tarixlaridagi rekord xarajatga qo'l urishgandi - 6 mln. funt. To'g'ri, bu rekord atigi bir hafta saqlanib turdi, xolos. Sun Yong 2013 yil 24 fevralda Liga kubogi doirasida «Bredford Siti»ga qarshi kechgan bahsda o'zi uchun mutlaqo yangi pozitsiya - tayanch yarim himoyachisi nuqtasida o'ynadi. O'sha uchrashuv 5:0 hisobida yakunlanib, koreys yigiti Angliyada ilk sovringa ega bo'ldi. Biroq keyingi mavsumda uni ijara asosida «Sanderlend»ga jo'natishdi. Qarangki, Ki Sun Yong «Sanderlend» bilan ham Angliya kubogi finaliga chiqdi. U ayni payt ham «oqqushlar» yarim himoyasida muhim o'ringa ega.
Son Xyun Min. Katta futbolga «Gamburg» klubi bilan kirib kelgan Son Xyun Koreyada eng yoqimtoy o'yinchilardan biridir. Harqalay, Park Ji Sun ketgach, koreys futboli fanatlari aynan «Tottenxem» a'zosi bilan faxrlana boshlashdi. «Bayer» uni 2013 yil yozda gamburgliklardan 10 mln. evroga sotib oldi. 2015 yilning yozgi transferlari vaqtiga kelib, endi «Tottenxem» koreyalik hujumkor futbolchiga ega bo'lish yo'lida 30 mln. dollar sarfladi. Bu osiyolik futbolchilar uchun eng qimmatbaho transfer hisoblanadi. Chunonchi, «Parma» 2001 yili yaponiyalik Xidetoshi Nakata uchun «Roma»ga 25 mln. dollar to'laganidan buyon Osiyo vakillariga bunchalik katta narx qo'yilmayotgandi.
Ummon
Ali al Habsiy («Bolton», «Uigan Atletik») - 2007-2008, 2010-2013
1981 yilning 30 dekabr kuni Al-Mudaibi viloyatida tug'ilgan Ali al Habsiy APLda munosib iz qoldirgan. Deylik, Angliya elit divizionida jami 111ta o'yinda maydonga tushgan darvozabon ularning ayrimlarida o'ziga xos jasoratlar ham ko'rsatdi. Misol uchun, 2011 yili «Uigan Atletik»ning mavsumdagi eng yaxshi futbolchisi sifatida tan olinganining o'zi salmoqli tosh bosadi. Har holda, Ummondek kichik va futbolda uncha maqtanolmaydigan davlat vakili uchun bunday e'tirof katta natija hisoblanadi.
Pokiston
Zesh Rahmon («Fulxem») - 2003-2006
Zesh Rahmon aslida Angliyaning Birmingem shahrida tug'ilgan (1983 yil 14 oktyabrda). Qolaversa, 1995-2003 yillar oralig'ida «Fulxem» klubi akademiyasida tahsil olgan. Asosan himoyachi rolini bajaradi. 2005 yildan buyon Pokiston terma jamoasi sharafini himoya qilmoqda. APLda atigi 21ta o'yin o'tkazgan.
Davomi InterFUTBOL gazetasi blogida.
— deya xabar beradi uff.uz nashri.
Endi asosiy mavzuga o'tsak, Osiyo (OFK)dan Janubiy Koreya, Xitoy, Yaponiya, Eron, Ummon, Pokiston va avstraliyalik futbolchilargina Angliyaning elit divizioni klublari safida to'p surishgan. Avstraliya 2006 yili OFK tarkibiga qo'shilgach, Evropaning kuchli 5ta chempionatida faoliyat yurituvchi «osiyolik» futbolchilar safi sezilarli darajada kengaydi. Faqat, APLni olsak, ayni payt ingliz klublarida OFKdan 10 nafar futbolchi bor. Bular - Shinji Okazaki («Lester»), Son Xyun Min («Tottenxem»), Mayya Yoshida («Sautgempton»), Ki Sung Yong («Sanderlend»), Li Chun Yong («Kristan Pelas»), Adam Federichi («Bornmut»), Mile Yedinak («Kristan Pelas»), Jordan Layden («Aston Villa»), Bred Smit («Liverpul»), Mark Shvartser («Lester»).
Umid qilamizki, tez orada o'zbek futboli vakillari ham shiddatli Angliya chempionatiga yo'l ochish uddasidan chiqishadi. Hozircha APL bahslari ta'mini totib ko'rgan ayrim taniqli qit'adoshlarimiz va avstraliyaliklarga alohida ta'rif berib o'tsak.
Xitoy
Li Veyfeng («Everton») - 2002-2003; Li Tie («Everton») - 2002-2004; Sun Jixay («Manchester Siti») - 2002-2008; Dong Fangjuo («Manchester Yunayted») - 2006-2007; Jeng Ji («Charlton Atletik») - 2006-07
Xitoylik futbolchilar orasida Sun Jixay biroz ajralib turadi. U 2002-2008 yillar oralig'ida «Manchester Siti»ning APL doirasidagi naq 123ta o'yinida qatnashgan. E'tiborlisi, «shaharliklar» xitoylik futbolchini 2002 yilning fevralida 2 mln. funtga sotib olishgandi. Vaholanki, o'sha payt «Siti» hozirgidek boy emasdi. Sun Jixay mavsum-2001|2002dayoq, aniqrog'i, oktyabr oyida «Birmingem Siti» darvozasini nishonga olib, APLda gol urish baxtiga muyassar bo'lgan birinchi xitoylikka aylangandi.
Eron
Karim Bageri («Charlton Atletik») - 2000-2001; Andranik Teymuriyan («Bolton», «Fulxem») - 2006-2009; Ashkan Dejaga(«Fulxem») - 2012-2014
Ashkan Dejaga 1986 yilning 5 iyul kuni Tehron shahrida tavallud topgan. Keyinchalik Dejagalar oilasi Berlinga ko'chib o'tgan va Ashkan 16 yoshida Germaniya fuqaroligini olgan. U xususan, 2002-2009 yillar davomida Germaniyaning U-17dan tortib, U-21gacha bo'lgan terma jamoalarida o'ynadi. Lekin 2012 yilga kelib, milliy jamoa masalasida ona yurti - Eronni tanladi. «Fulxem» o'sha yilning 31 avgustida Dejaga transferi uchun «Volfsburg»ga 2,5 mln. dollar to'ladi. Fors yigiti londonliklar bilan 3 yillik shartnoma tuzgandi. E'tiborli fakt, «Fulxem» muxlislari 2013|2014 yillar mavsumi yakuniga ko'ra, Ashkanni klubning eng yaxshi futbolchisi sifatida e'tirof etdilar. Umuman, Dejaga APLda jami 43ta o'yinda maydonga tushib, 5ta gol urgan.
Yaponiya
Kazuyuki Toda («Tottenxem») - 2002-2003; Yunichi Inamoto («Fulxem», «Vest Bromvich») - 2002-2006; Ryo Miyaichi («Bolton», «Uigan Atletik», «Arsenal») - 2011-2014; Xidetoshi Nakata («Bolton») - 2005-2006; Shinji Kagava («Manchester Yunayted») - 2012-2014; Shinji Okazaki («Lester Siti») - 2015-...; Mayya Yoshida («Sautgempton») - 2012-...
Germaniya bundesligasida dahshatli o'ynagan Shinji Kagava 2012 yilning 5 iyunida jonajon klubi - «Borussiya» (Dortmund) bilan xayrlashib, Angliya futboliga yuz burdi. Biroq shu yilning oktyabrida ChL doirasida «Braga»ga qarshi kechgan bahsda jarohatlanib, safdan chiqdi. Achinarlisi, tiklanish jarayoni uzoq davom etib, yanvarga qadar cho'zildi. Shunday bo'lsada, Kagava 2013 yil 2 martda «Norvich» bilan o'yin (4:0)da «xet-trik»ka erishdi. Bungacha osiyolik biror futbolchiga APLning bitta uchrashuvida 3ta gol urish baxti nasib etgan emasdi. Umumiy hisobda aytsak, yapon yigiti Angliya premer-ligasida «MYu» uchun 57ta o'yin o'tkazib, 6ta golga mualliflik qildi. Eng asosiysi esa, debyut mavsumidayoq bo'yniga oltin medal taqib, Angliya chempionligiga erishgan birinchi yapon bo'ldi.
Shinji Okazaki 1986 yil 16 aprelda tug'ilgan. «Lester Siti» safiga o'tgan yilning 26 iyun kuni qo'shildi. Joriy mavsum chempion jamoa safida jami 35ta o'yinda maydonga tushib, 6ta gol urdi. Yana bir ma'lumot: APLning yangi chempioni 2009 (6 iyun), 2011 (6 sentyabr) va 2015 yil (31 mart)larda O'zbekiston terma jamoasi darvozasiga gol urgan. Maydonda asosan o'tkir hujumchi vazifasini bajaruvchi Okazaki shuningdek, evrokuboklarda ham etarli tajriba to'plagan: 15ta o'yin, 3ta gol.
1988 yilning 24 avgust kuni Nagasakida tug'ilgan Mayya Yoshida markaziy himoyachi pozitsiyasida o'ynaydi. U hozirgi klubi bilan mavsum-2012|2013 arafasida 3 yillik shartnoma tuzgandi. Yoshida o'sha payt Yaponiya olimpiya terma jamoasi sardori edi. APLdagi ilk golini 2014 yilning 22 fevralida «Vest Xem» darvozasiga yo'lladi. Premer-ligadagi umumiy statistikasi chakki emas - 81ta o'yin, 3ta gol.
Janubiy Koreya
Li Yong Po («Tottenxem») - 2005-2008; Seul Ki Xyon («Reding», «Fulxem») - 2006-2010; Li Dong Guk («Midlsbro») - 2006-2008; Kim Do Xeon («Vest Bromvich») - 2008-2009; Cho Von Xi («Uigan Atletik») - 2008-2010; Park Chu Yong («Arsenal») - 2011-2012; Ji Dong Von («Sanderlend») - 2011-2012, 2013-2014; Kim Bo Kyung («Kardiff Siti») - 2013-2014; Yun Suk Yong(«KPR») - 2014-2015; Park Ji Sun («Manchester Yunayted», «KPR») - 2005-2013; Ki Sun Yong («Suonsi», «Sanderlend») - 2012-...; Li Chun Yon («Bolton», «Kristal Pelas») - 2009-2012, 2014-...; Son Xyun Min («Tottenxem») - 2015-...
Osiyolik futbolchilar orasida eng sovrindori shubhasiz, Park Ji Sundir: Angliyaning 4 karra chempioni, ChL g'olibi, Klublar o'rtasidagi JCh oltin medali sovrindori... Park 2005 yil yozda shaxsan ser Aleks Fergyuson taklifiga ko'ra, «qizil iblislar» qatoridan joy olgandi. «MYu» uning uchun PSV (Eyndxoven) klubiga 4 mln. funt bergan. «Old Trafford»da undan oldin osiyolik Dong Fangjuo ham o'ynagan, lekin aytarli natijaga erisholmagandi (atigi 1ta o'yin). Park APLdagi ilk golini 2006 yil 5 fevralda «Fulxem»ga qarshi bahsda nishonladi. Umumiy hisobda esa, Angliya elit divizionida 154ta o'yin o'tkazib, 19ta gol urdi.
2012 yilning 24 avgustida «Sounsi» safiga qo'shilgan Ki Sun Yong hamon APLda javlon urmoqda. E'tiborlisi, «oqqushlar» uning uchun o'z tarixlaridagi rekord xarajatga qo'l urishgandi - 6 mln. funt. To'g'ri, bu rekord atigi bir hafta saqlanib turdi, xolos. Sun Yong 2013 yil 24 fevralda Liga kubogi doirasida «Bredford Siti»ga qarshi kechgan bahsda o'zi uchun mutlaqo yangi pozitsiya - tayanch yarim himoyachisi nuqtasida o'ynadi. O'sha uchrashuv 5:0 hisobida yakunlanib, koreys yigiti Angliyada ilk sovringa ega bo'ldi. Biroq keyingi mavsumda uni ijara asosida «Sanderlend»ga jo'natishdi. Qarangki, Ki Sun Yong «Sanderlend» bilan ham Angliya kubogi finaliga chiqdi. U ayni payt ham «oqqushlar» yarim himoyasida muhim o'ringa ega.
Son Xyun Min. Katta futbolga «Gamburg» klubi bilan kirib kelgan Son Xyun Koreyada eng yoqimtoy o'yinchilardan biridir. Harqalay, Park Ji Sun ketgach, koreys futboli fanatlari aynan «Tottenxem» a'zosi bilan faxrlana boshlashdi. «Bayer» uni 2013 yil yozda gamburgliklardan 10 mln. evroga sotib oldi. 2015 yilning yozgi transferlari vaqtiga kelib, endi «Tottenxem» koreyalik hujumkor futbolchiga ega bo'lish yo'lida 30 mln. dollar sarfladi. Bu osiyolik futbolchilar uchun eng qimmatbaho transfer hisoblanadi. Chunonchi, «Parma» 2001 yili yaponiyalik Xidetoshi Nakata uchun «Roma»ga 25 mln. dollar to'laganidan buyon Osiyo vakillariga bunchalik katta narx qo'yilmayotgandi.
Ummon
Ali al Habsiy («Bolton», «Uigan Atletik») - 2007-2008, 2010-2013
1981 yilning 30 dekabr kuni Al-Mudaibi viloyatida tug'ilgan Ali al Habsiy APLda munosib iz qoldirgan. Deylik, Angliya elit divizionida jami 111ta o'yinda maydonga tushgan darvozabon ularning ayrimlarida o'ziga xos jasoratlar ham ko'rsatdi. Misol uchun, 2011 yili «Uigan Atletik»ning mavsumdagi eng yaxshi futbolchisi sifatida tan olinganining o'zi salmoqli tosh bosadi. Har holda, Ummondek kichik va futbolda uncha maqtanolmaydigan davlat vakili uchun bunday e'tirof katta natija hisoblanadi.
Pokiston
Zesh Rahmon («Fulxem») - 2003-2006
Zesh Rahmon aslida Angliyaning Birmingem shahrida tug'ilgan (1983 yil 14 oktyabrda). Qolaversa, 1995-2003 yillar oralig'ida «Fulxem» klubi akademiyasida tahsil olgan. Asosan himoyachi rolini bajaradi. 2005 yildan buyon Pokiston terma jamoasi sharafini himoya qilmoqda. APLda atigi 21ta o'yin o'tkazgan.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
549