Madridning “Atletiko” jamoasi hujumchisi Antuan Grizmann “Real” klubidan taklif kelsa, uni rad etishini bildirib o'tdi. “Zidan meni “Real”ga chaqirsa, unga “Atletiko”da to'p surayotganimni aytaman. Zidan ajoyib inson, ammo men ketmayman. Men “Atletiko” bilan shartnomani uzaytirish borasida muzokaralar olib boryapman. Umid qilamanki, barchasi muvaffaqiyatli yakunlanadi”, – dedi frantsiyalik futbolchi. Antuan Grizmann 2014 yilda Diego Simeone jamoasiga kelib qo'shilgandi. Uning amaldagi kelishuvi 2020 yilga qadar mo'ljallangan. 
— deya xabar beradi uff.uz nashri.