Birinchi liganing 9-turidan o'rin olgan "Orol" - "Lokomotiv BFK" (3:1) o'yinidan keyin mezbonlarning o'ynovchi murabbiyi Temur Turdievni o'yin haqidagi fikrlari bilan qiziqdik.
- O'yin nazorati bizning qo'limizda bo'ldi. Shuning hisobiga juda ko'p imkoniyatlarga ega bo'ldik. Nukusdagi o'yinlarda shogirdlarimda ko'plab imkoniyatlar bo'lmoqda. Biroq ana shu imkoniyatlarning ko'pchiligidan foydalana olmayapmiz. Agar barcha imkoniyatlardan foydalana olganimizda hisob yanada yirik ko'rinish olgan bo'lar edi.
- Shogirdlaringizning o'yinlaridan qoniqdingizmi?
- Albatta qoniqdim. Bugun raqibga deyarli imkoniyat qoldirmadik. Lekin shunga qaramay, hali o'z ustimizda ishlashimiz lozim.
- Jamoa o'z maydonida yaxshi o'ynamoqda, biroq safarda buning aksi. Buning sababi nimada deb o'ylaysiz?
- Jamoaga tajriba etishmayapti. Tarkibimizdagi futbolchilar juda ham yosh, safardagi o'yinlarda ularni hayajon bosmoqda.
Davomi KRuz.uz blogida.
— deya xabar beradi uff.uz nashri.