Xalqaro Futbol Assotsiyatsiyaalari Federatsiyasi – FIFAning navbatdagi Kongressiga 12-13 may kunlari Meksika poytaxti Mexiko shahri mezbonlik qildi.
Yangi prezident faoliyatidagi ilk Kongress
Hisob bo'yicha 66-marotaba o'tkazilayotgan FIFA Kongressi tashkilotning yangi prezidenti Janni Infantino faoliyatidagi ilk Kongress bo'lganini ta'kidlash joiz. Ayni damda, FIFAga a'zo bo'lgan 209ta federatsiya vakillari ishtirok etgan kongress kun tartibida bir qator muhim masalalalar ko'rib chiqildi. Jumladan, yangi prezident FIFAning 2015 yil yakunlari bo'yicha to'liq hisobotini taqdim etish bilan birga, administrativ boshqaruv bo'yicha islohotlar olib borilishini ma'lum qildi.
Tashkilotga yangi a'zolar qabul qilindi
Avvalroq, FIFA kengashi Kosovo Futbol Federatsiyasi (FFK) hamda Gibraltar Futbol Uyushmasi (GFA)ni tashkilot safiga qabul qilinishini ovoz berish yo'li orqali hal qilish masalasini Kongress kun tartibiga qo'ygan edi. Kongress ko'pchilikning ovozi bilan mazkur federatsiyalarni FIFA tarkibiga qo'shib olish masalasini ma'qulladi. Shu tariqa, FIFAning a'zolari soni 211taga etdi.
Yangi bosh kotib
FIFA prezidenti Janni Infantino senegallik Fatima Samurani FIFAning yangi bosh kotibi sifatida ommaga tanishtirdi. Shu paytgacha, BMTning rivojlantirish dasturi bo'yicha mas'ul xodimi lavozimida ishlab kelgan Fatima Samura tashkilot tarixidagi ilk ayol bosh kotib bo'ldi. Yangi bosh kotib 2015 yildan buyon makzur lavozimni vaqtinchalik boshqarib kelayotgan Markuss Kattnerning o'rnini egalladi.
Ta'kidlash lozim, mazkur kongressda O'zbekiston Futbol Federatsiyasi Birinchi vitse-prezidenti Sardor Rahmatullaev, O'FF matbuot xizmati boshlig'i Sanjar Rizaev hamda O'FF texnik bo'limi boshlig'i Olim Arifov ishtirok etishdi.
Ma'lumot o'rnida, FIFAning navbatdagi kongressiga 2017 yilning 11-12 may kunlari Malayziya poytaxti Kuala-Lumpur shahri mezbonlik qiladi. Rossiya poytaxti Moskva shahri esa, JCh-2018 mezboni sifatida 2018 yilning 12-13 iyun kunlari FIFA kongressiga mezbonlik qiladi.
— deya xabar beradi uff.uz nashri.