Kelasi yozgi transfer oyna doimgidan ham qaynoqroq tus olishi kutilmqoda. Doimgidek ushbu transfer davrasi o'z hisobida qator shartnomasiz qolib ketgan futbolchilarni o'’z ichiga oladi. Va hozir biz sizlarga ushbu blogimiz qahramonlarini so'zlab o'tamiz.
Xatem Ben Arfa
Xatem bir necha yillar davomida o'zining yuksak fomasini qayta tiklay olmadi va ochig'ini aytganda ishonchni oqlay olmadi. Ko'pchilik ushbu futbolchini yuqori cho'qqilarga ko'tarila olmaydigan futbolchi, deya hisoblashgan edi. Ammo, “Nitsa” bilan shartnoma imzolagach, Xatem aql bovar qilmas futbol namoyish etishni boshladi. Afsuski, uzoqni o'ylamay, ya'ni kalta o'ylagan frantsuz klubi vinger bilan atigi 1 yilga mo'ljallangan shartnoma imzolagan edi va Ben Arfa hozir ushbu klubdagi so'nggi damlarni o'tkazmoqda. Evropaning “Barselona”, “Liverpul” va boshqa qator grandlari fransuzni o'z tarkiblarida ko'rishni istamoqdalar.
Sofian Feguli
Har yozda Sofian top klublar diqqatini jalb etayotganligi to'g'risida turli-tuman mish-mishlar tarqaladi. Biroq joriy yoz katta qadam tashlash vaqti kelganini ko'rsatib bermoqda. Feguli har yili yuqori formasini barqaror saqlab turibdi. Uzoq masofadan zarba, texnika, tezlik va shu kabi hislatlar ushbu futbolchida yaqqol mujassam etadi. “Valensiya” esa har yili yangi marralarga qarab ildamlaydi-yu, lekin baribir nimadir etishmaydi. Vaqt davom etadi va Feguli hozir 26 yoshda. Top klub safida o'z kuchini sinab ko'rishning ayni vaqti. Yozda jazoirlik vinger erkin agentga aylanadi va ko'pdan-ko'p top klublar allaqachon Fegulini transfer maqsadlari ro'yxatining oldingi qatorlariga qo'yishga ulgurganlar.
Djon Terri
“Chelsi” allaqachon o'zining afsonasidan ayrilib bo'ldi. Albatta gap Lampard borasida ketmoqda. Endilikda navbat Djonga keldi. Shartnoma yozda o'z yakuniga etadi va o'z navbatida “Chelsi” ham futbolchini ushlab qolish istagida yonmasligi muqarrar. Jamoaga barcha narsalarni tubdan o'zgartirib yuboradigan yangi murabbiy keladi va u katta ehtimol bilan 34 yoshli himoyachini e'tiboridan chetda qoldiradi. Joriy mavsum Terri ko'pincha zaxira o'rindig'ida qolib ketdi. Maydonda esa, o'z jamoadoshlarini uyaltirib qo'ymadi. Achinarlisi shuki, u “nafaqaxo'rlar” uchun qoldiqqa aylanib qoldi. Muxlislar Djonni qolishini istashmoqda va turli xil yo'llar orqali buni klub rahbariyatiga ayon qilib bo'lishdi. Djonning yaqin kelajagi haligacha so'roq ostida qolmoqda.
Davomi Penalti.uz blogida.
— deya xabar beradi uff.uz nashri.