"Sevilya" yarim himoyachisi Ever Banega yozda faoliyatini "Inter"da davom ettirishi kutilmoqda. Yarim himoyachi erkin agent maqomida milanliklar safiga o'tishini jamoa bosh murabbiyi Roberto Manchini ham tasdiqladi.
"Ever Banega "Inter" futbolchisi bo'ladi. U erkin agent maqomida jamoamizga o'tadi", - deydi Manchini.
Eslatib o'tamiz, biroz vaqt muqaddam Banega "Sevilya" bilan shartnomasini bir yilga uzaytirgani aytilgan edi. Yarim himoyachi joriy mavsum andalusiyaliklar tarkibida 43 ta o'yinda maydonga tushgan va 9 ta gol kiritib, 5 ta golli uzatmani amalga oshirgan.
— deya xabar beradi uff.uz nashri.