Madridning "Real" klubi sobiq bosh murabbiyi Karlo Anchelotti o'zining avtobiografik kitobida madridliklar yarim himoyachisi Garet Beyl haqida fikr bildirdi.
"Bir safar erta tongda menga "Real" bosh direktori qo'ng'iroq qildi va mashg'ulotdan so'ng gaplashib olish niyati borligini bildirdi. Bu ancha noodatiy holat edi. Biz uchrashganimizdan so'ng u Beylning agenti kelgani va Garetning holatini muhokama qilganini aytib o'tdi.
Yanvar oyida agent matbuotda chiqish qilgan va klub prezidenti Florentino Peres bilan muloqotda bo'lgani uchun pozitsiyasi ancha kuchli ekanini aytgandi. Keyin u Peresga shikoyat qildi va Beylga o'zi o'ynayotgan chiziq yoqmayotganini bildirdi. Garet markazga yaqinroq joyda o'ynash niyatida ekan.
Beylning kuchli jihatlari ko'p va men unga aynan shuni tushunib etishida yordam berishga harakat qilib ko'rdim. Shunda u o'z potentsialini to'liq ochib bergan bo'lardi. O'ylaymanki men agent yoki klub prezidentidan ko'ra futbolni ko'proq tushunsam kerak.
Shu sababli Peres bilan bo'lgan suhbatda Beyl bilan o'zim gaplashib olishimni aytdim. Mashg'ulotdan so'ng uning oldiga keldim va: "Bilasanmi, men agentim bilan prezident orqali gaplashdim. Nima uchun o'zing oldimga kelib, bu haqida borini ochiq aytmading?" deb so'radim. U esa: "Okey, hech qanday muammo yo'q", deb javob berdi", - deya yodga oladi Karlo Anchelotti.
— deya xabar beradi uff.uz nashri.