Evropa ligasi guruh bosqichining 3-turidan o'rin olgan “Liverpul” hamda “Rubin” klublari o'rtasidagi uchrashuv o'z nihoyasiga etdi. Unda jamoalar murosa ko'chasini tanlashdi. “Liverpul” ilk daqiqalardanoq tashabbusni o'z qo'liga olgan bo'lsada, hisobni mehmonlar olishga muvaffaq bo'ldi. O'yinning 15-daqiqasida Devich “Rubin”ni tezkor hujumini gol bilan yakunladi. 36-daqiqada Kuzmin Janga qarshi o'yin qoidasini buzgani sababli, qizil kartochka bilan jazolanib maydonni tark etdi. Shu zahoti jabrlanuvchining o'zi yaqin masofadan Rijikov darvozasini ishg'ol etib, muvozanatni tikladi. Shundan so'ng, “Liverpul” o'yin tempini undanda oshirdi va “Rubin” darvozasi oldidan birin-ketin vaziyatlar yuzaga kela boshladi. Ikkinchi bo'limda mezbonlar total ustunlikka ega bo'lishdi va tinmay hujum qilaverishdi. Biroq bu kechada Rijikov boshqa gol o'tkazib yubormadi. “Liverpul” “Rubin” darvozasi oldida 30dan ortiq golli vaziyatlar yaratgan bo'lsada, birinchi bo'limda o'rnatilgan 1:1 hisobi final hushtagiga qadar saqlanib qoldi. Evropa ligasi, 3-tur Liverpul Angliya – Rubin Rossiya 1:1 (1:1, 0:0)
Gollar: 0:1 – 15 Devich, 1:1 – 37 Jan.
Liverpul – Minole, Shkrtel, Moreno, Klayn, Sako, Jan, Allen (Leyva, 46), Koutino (Benteke, 63), Milner, Lallana, Oriji (Firmino, 74).
Rubin – Rijikov, Kambolov, Kverkveliya, Kuzmin, Nabiullin, Ozdoev, Karadeniz (Dyadyun, 81), Georgiev, Karlos Eduardo (Portnyagin, 64), Kanunnikov, Devich (Kotuno, 46).
Ogohlantirishlar: Kuzmin (19), Shkrtel (35), Allen (41).
Chetlatish: Kuzmin (36).
— deya xabar beradi uff.uz nashri.