Londonning «Arsenal» klubi «Yuventus» hujumchisi Alvaro Moratani qo'lga kiritishni rejalashtirmoqda.
«To'pchilar» rahbariyati Moratani qayta sotib olish huquqiga ega bo'lgan «Real»ga taklif bilan chiqish qilgan. Eslatib o'tamiz, madridliklar hujumchini 30 million evro evaziga qayta sotib olish huquqiga ega. «Arsenal» esa Morata uchun «Real»ga 65 million evro taklif qilmoqda.
Eslatib o'tamiz, «Yuventus» Alvaro Moratani ikki yil muqaddam «Real»dan 20 million evro evaziga sotib olgan edi. Bu vaqt oralig'ida hujumchi Italiya chempionatida 63 o'yinda maydonga tushdi va 15 ta gol urib, 13 ta golli uzatmani amalga oshirdi.
— deya xabar beradi uff.uz nashri.