Londonning “Chelsi” jamoasi uchun 2015/2016 yilgi mavsum omadsiz kechdi. Biz “aristokratlkar”ning mavsumdagi natijalarini tahlil qilib chiqishni lozim deb topdik.
 
Chempionatda – 10-o'rin
“Chelsi” Premer ligada turnir jadvalining qoq markazidan joy oldi. London klubi 38 uchrashuvning 14 tasida durang o'ynagan bo'lsa, 12 tadan uchrashuvda g'alaba va mag'lubiyat qayd etdi. To'plar nisbati 59-53!
 
Chempionlar ligasida – 1/8 final
“Aristokratlar” Chempionlar ligasining guruh bosqichida “Dinamo” Kiev, “Portu” va “Makkabi” Tel-Aviv jamoalarini ortda qoldirgan holda 1-o'rinni egallashdi. Biroq nimchorak finalda ular Parijning “PSJ” jamoasiga har ikkala bahsda ham 1:2 hisobida imkoniyatni boy berib, turnir bilan xayrlashishdi.
 
Angliya kubogi – 6-bosqich
Londonliklar Angliya kubogida ‘Skantrop Yunayted” (2:0), “Milton King Dons” (5:1), “Manchester Siti” (5:1) jamoalarini mag'lub etgan bo'lsa, oltinchi bosqichda “Everton”dan mag'lub bo'lib (0:2) o'z yurishini to'xtatdi.
 
Angliya liga kubogi – 4-bosqich
“Chelsi” liga kubogining 3-bosqichida “Uolsoll”ni 4:1 hisobida mag'lub etdi. Biroq 4-bosqichda “Stok Siti” bilan 1:1 hisobida during o'ynab, penaltilar seriyasiga ko'ra 4:5 hisobida imkoniyatni boy berib, kubokni tark etdi.
 
Murabbiylar
 2015 yilning 17 dekabr sanasiga qadar Joze Mourino ushbu mavsumda klubni 26 o'yinda maydonga boshlab tushdi. Ana shu bahslarda London klubi 10 g'alaba, 5 durang va 11 mag'lubiyat qayd etdi.
 
Guus Xiddink esa shundan keyin mavsum yakuniga qadar “Chelsi”ga 27 uchrashuvda murabbiylik qildi. Uning shogirdlari ana shu o'yinlarning 10 tasida g'alaba qozonib, 11 tasida durang o'ynab, 6 tasida imkoniyatni boy berishdi.
 
Eng ko'p o'ynagan futbolchilar
Frantsesk Fabregas, Tsezar Aspoilikueta va Villian mavsum davomida “Chelsi” libosida 49 tadan uychrashuvda maydonga tushishdi.
Davomi Furqat Yusupov blogida.
— deya xabar beradi uff.uz nashri.