“Bornmut” – “Manchester Yunayted” bahsi Evropaning etakchi chempionatlariga yakun yasab beradi. Biz esa ushbu mavsum borasidagi ayrim jabhalarni bayon qilib o'tmoqchimiz. Qaysi darvozabonni “mavsum posboni” deb atash mumkin? Kim ko'proq jamoasi joniga oro kirdi? Bugun shu va boshqa savollarga birgalikda echim izlaymiz. Alfonso Areola Top-7 likka biz ushbu mavsumda o'z seyvlari bilan ommani lol qoldirgan va o'z ishtiroki bilan jamoani natijalariga jiddiy ta'sir ko'rsatgan posbonlarni kiritdik. Texnik frantsuz ushbu mavsumda haqiqatan ham o'z ildizlarini ochdi va qaysidir ma'noda super nemis posbonlarini ham ortda qoldirdi. Aslida “PSJ”ga tegishli bo'lgan posbon darvozada doimo o'ta to'g'ri pozitsiya tanlaydi va barqarorlik borasida ham o'z jamoasini uyaltirib qo'ymadi. Aslini olganda Areola “Sariq suv osti kemasi”ni 4-o'ringa ko'tarilib olishgia ham o'zining ulkan hissasini qo'shdi. Petr Chex Chex – haqiqiy etakchi va barqaror posbon. To'g'ri, balki ba'zilar ushbu tanlovimizni “xato” deb ham atashlari mumkin. Djek Batland va Eurelio Gomeslar ham fikrimizga qo'shilmasliklari muqarrar. Ammo, tan olish kerak, chehiyalik posbonsiz “Arsenal” vitsa-chempion bo'la olmasdi. “To'pchilar” safiga o'tgan yozning o'zida qo'shilgan bo'lsa-da, Chex qanday tajribaga ega ekanini shoshib xulosa chiqaruvchilarga ko'rsatib qo'ydi. U orqa frontda nafaqat darvozasini qo'riqladi, balki o'ziga xos murabbiy vazifasini ham bajardi. Chex juda ko'p marotaba o'z jamoasini muqarrar gollardan saqlab qoldi va ulkan xatolarga yo'l qo'yishdan yiroq bo'ldi. Chex ushbu ro'yxatimizga kirishga so'zsiz loyiq edi. Keylor Navas   Bravo ushbu nomzodga qarshi chiqishi turgan gap. Ammo, chililik darvozabon ushbu mavsumda biroz soyaga o'tdi, doimo maydonda qayt etilavermadi. Kosta Rikalik posbon esa “Real”ning orqa liniyadagi etakchisi bo'ldi. Boz ustiga, u Bravodan farqli o'laroq musobaqa turidan qatiy nazar barcha uchrashuvlarda darvozani qo'riqladi. Bir gap bilan aytganda Bravodan ko'ra Navas jamoasiga ko'roq foydasi tegdi. Unutmaslik lozim, ajoyib darvozabonlar nihoyatda ko'p. “Sevilya” posboni Riko – ajoyib mavsum o'tkazmoqda va Adan, Kameni va Varaslar ham bundan mustasno emas. Kasper Shmeyhel  Albatta bu erda ham “Vest Xem” posboni Adrianni va hamda “Suonsi”dan Fabianskini unutmagan holda Shmeyhel borasida so'z ochamiz. Shmeyhel va “Lester” birgalikda o'ziga xos bir ertak yaratishdi va bu ertak futbol xotirasidan hech qachon o'chmaydi. Posbon APL ning har qanday darvozabonidan qatiy nazar alohida mavqega ega – “chempion”. Tajribasi borasida so'z borar ekan buni futbol ixlosmandlariga slatib o'tishning hojati yo'q. U ajoyib posbon va mavsum davomida buni inkor etuvchilarning gaplari yolg'on ekanini barcha jabhalarda ayon etdi. Davomi Penalti.uz blogida.
— deya xabar beradi uff.uz nashri.