Xabaringinz bor, yozda Angliyaning “Manchester Siti” klubini Xosep Gvardiola egallaydi. Ispaniyalik mutaxassis 3 yil Germaniyaning “Bavariya” jamoasida faoliyat olib bordi. Bundesligada Pep mamlakt miqyosidagi barcha turnirlarda chempionlikka erishdi. Ammo EChLda har safar Ispaniya klublaridan mag'lub bo'lib musobaqadan chiqib ketdi. Endi esa Gvardiola uchun keyingi bekat Angliya bo'ladi.
Xosep Gvardiola “shaharliklar” tarkibini kimlar bilan to'ldirish kerakligi borasidan hozirdan bosh qotirishni boshlab yubordi. U “Manchester Siti”ga qaysi futbolchilarni olib kelish borasida ham rejalar tuzib qo'ygan. Uning asosiy maqsadi 5 ta futbolchi.
Bir necha oy oldin “Manchester Siti”ga tayinlanishi aniq bo'lgan Pep jamoada birinchi navbatda Jo Xartga raqobatchi topishni o'ylab qo'ygani borasida xabarlar chiqqandi. Uning Xartga unchalik ham ishonmasligi Evropa OAV tomonidan muhokamaga sabab bo'ldi. Gvardiola APLga kelishi bilan birinchi qiladigan ishi Xartning o'rniga boshqa darvozabon topish bo'lishini ma'lum qilishdi. Amalda ham voqealar shunday ko'rinish olmoqda.
Uzun-quloq gaplarga qaraganda, “Barselona”ning sobiq ustozi jamoa posboni ter Shtegenni “Tumanli Albion”ga olib kelmoqchi. Uning transfer narxi 15 million evroga baholanmoqda. Shuni aytishimiz mumkinki, germaniyalik darvozabon Kataloniyadagi faoliyatidan norozi. U katta ehtimol bilan boshqa klubga o'tib ketishi mumkin. Balki Gvardiola ter Shtegenni o'z jamoasiga o'tishga ko'ndira olar.
Gvardiolaning keyingi nishoni “Atletik” futbolchisi Aymerik Laporte. Frantsiyalik himoyachi Pep uchun muhim futbolchi sifatida qaralmoqda. U Ispaniya chempionatida bu mavsum 26 o'yinda maydonga tushgan va raqiblar darvozasini 3 marta ishg'ol qilgan.
Uning tarnsfer narxi 50 million evro qilib belgilangan. Ammo “Manchester Siti” 22 yoshli himoyachi uchun shuncha summa beradimi yoki yo'q buni vaqt ko'rsatadi.
Keyingi futbolchi esa nomi tillalda doston Jon Stounzdir. Bu futbolchiga qiziqmagan klub, og'iz solmagan jamoa qolmagandi. Stounzning xizmatlariga hatto “Real” va “Barselona” ham ehtiyoj sezayotgani borasida xabarlar tarqalgandi.
So'nggi paytlardagi mish-mishlarga qaraganda, angliyalik himoyachining “Manchester Siti”ga o'tishi tobora oydinlashmoqda. Chunki Gvardiola unga asosiy tarkibdan joy vada qilishi mumkin. Uning transfer narxi 30 million evro.
Ilkay Gyundogan 2014 yilgi Jahon chempionatini o'tkazib yubordi. Endi bu yili Frantsiyada bo'ladigan Evropa chempionatidan ham chetda qoladigan bo'lib turibdi. Chunki Gyundogan jarohati sabab Evro-2016ni tomoshabin sifatida o'tkazadi. Lekin shunga qaramay Gvardiola germaniyalik xavbekka ishonch bildirmoqchi.
Gvardiola Gyundoganni Bundesligadan APLga o'tkazmoqchi. Buning uchun “shaharliklar” “Borussiya D”ga 30 million evro berishlariga to'g'ri keladi.  
“Barvariya” bosh murabbiyi yangi jamoasi hujum chizig'ida Agueroga tandem bo'la oladigan forvard qidirmoqda va topdi ham. Bu futbolchi Pe-Emerik Obameyang.
Davomi Sports.uz blogida.
— deya xabar beradi uff.uz nashri.