PORTUGALIYa FUTBOLI GIGANTIGA NIMA BO'LDI?
«Portu»ning portugal futbolidagi 3ta eng yirik «shox»dan biri ekanligi hech kimga sir emas. Biroq oxirgi 10 yilda naq 7 marta chempionlik shohsupasiga ko'tarilgan bu klub hozirda muayyan qiyinchiliklarni boshdan o'tkazmoqda. Uning yakunlangan mavsum oltin medaldan erta kunda umid uzganining o'zi ko'p narsadan dalolat beradi...
«Benfika» futbolchilari   «Alyants Arena»dagi mashaqqatli o'yin (ChL doirasida)dan jonajon maskanlari - Lissabonga qaytishgach, muxlislarning chinakam olqishlariga duch kelishdi. Fanatlar «Bavariya»dek raqib bilan munosib o'ynagan suyukli jamoalarini minnatdorchilik bitilgan bannerlar bilan qarshi olishdi. Futbolchilar aeroportdan chiqishgach, o'z avtomobillarini qo'yib ketishgan chetroqdagi mashinalar to'xtash joyiga yo'l olishdi. Bu vaqtda soat millari tungi ikkini ko'rsatib turardi. Lekin bu narsa yuzlab sodiq muxlislarning o'z kumirlarini iliq kutib olishlariga xalaqit bergani yo'q. Futbolchilar o'rin olgan har bir avtoulovni chehrasi ochiq odamlar kuzatib qo'yishdi. Tabiiyki,  ular futbolchilar bilan birga suratga ham tushishdi, dastxat olishdi, samimiy qo'l berib ko'rishishdi va chin yurakdan rahmat aytishdi. Ayni shu vaqtda Lissabondan chamasi 300 kilometr uzoqlikdagi sokingina Avenida Da Boavishta ko'chasida ham odamlar uyg'oq edilar. Bu erda «Portu» prezidenti Pintu da Koshta villasi joylashgan bo'lib, u yarim tunda petardalar «bo'roni» ostida qoldi. Atrofga osib qo'yilgan bannerlar mazmuni esa mutlaqo teskari - ularda Pintu janoblariga atalgan nordon gaplar yozilgan.
Ha, «Benfika» aslida dahshatli «Bavariya» to'sig'idan o'tolmadi, lekin uning jangovar ruhi muxlislarga ma'qul tushdi. «Portu»ga kelsak... Shaxsan Pintu da Koshtaning ochiq tan olishicha, klub «eng quyiga» sho'ng'idi. «Mavsum biz uchun allaqachon tugadi va endi qolgan o'yinlarga keyingi chempionat uchun tayyorgarlik jarayoni sifatida qarashimiz kerak. So'z beramanki, g'alabaga ishtiyoqi yo'q futbolchilar tez orada jamoamizni tark etishadi»,- degandi prezident sal avvalroq. Tabiiyki, bunday kayfiyatsizlik portulik muxlislarni junbushga keltirdi. Chunonchi, «Portu» rahbari oldinda mamlakat kubogi finali borligini ham inobatga olmagandi. Shuni nazarda tutsak, u darhaqiqat, o'ta g'alati bayonot berdi. To'g'ri, da Koshtaga «Tondela»dek autsayderga yutqazilgani qattiq ta'sir qilgan bo'lishi mumkin. Zero, «Portu» tarixida bunchalik omadsizlik hali kuzatilgan emasdi. Xullas, 78 yoshli prezident erta kunda qo'l ko'tardi. Nahotki, bu  kuchli futbol imperiyasining qulayotganidan nishona bo'lsa?
Pintu da Koshta 60-yillarda klub boshqaruv tizimida ish boshlagan payt 20 yoshli yigit edi. Vaqt o'tishi bilan esa, uning ismi sharifi bevosita «Portu» bilan hamohang yangraydigan bo'ldi. Siyosiy «intriga»lar ustasi sifatida ham gavdalangan da Koshta orada klubdan ketgandi ham. Biroq ko'p o'tmay, 1976 yili ortiga qaytdi, chunki «Portu» uning xizmatiga muhtojlik sezgandi. Funktsioner jamoaga yolg'iz qaytmadi - o'z ortidan bo'lajak qutqaruvchi - Joze Mariya Pedrotani ergashtirib keldi. Natijada bu murabbiy qisqa vaqtda chempionlik unvonlarini ta'minladi. «Portu» uning rahbarligida Kubok egalari kubogi-1983|1984 finaliga chiqdi. To'g'ri, portuliklar o'shanda bosh sovrinni «Yuventus»ga berib qo'yishdi, ammo yana 3 yildan so'ng qit'ada eng kuchli klub maqomini olishdi, baribir. Boz ustiga, finalda «Bavariya»ni enggan holda.
Oddiy aytganda, Pedrota va uning «futbol fani» «Portu»ni superklubga, Pintu da Koshtani esa haqiqiy afsonaga aylantirdi. Qizig'i, klub prezidenti villasi atrofiga osilgan tahqirlovchi bannerlarda Pedrota ham esga olindi. Ya'ni fanatlarning fikrlariga ko'ra, da Koshta buyuk murabbiy xotirasini shunchaki, oyoqosti qilyapti.
Keling, endi Pintu da Koshta 1976 yili klubga qaytish taklifini qaysi shartlar asosida qabul qilganini esga olamiz. Ular 3ta edi:
Davomi Akmal Eshonxonov blogida.
— deya xabar beradi uff.uz nashri.