Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Raymon Domenek – astrologiya ixlosmandi (InterFUTBOL blogi)
Mana, Evro-2016 startiga ham sanoqli kunlar qoldi. Frantsiya milliy jamoasi sobiq bosh murabbiyi Raymon Domenek bu vaqtda mutlaqo xotirjam va bir necha yillik sukut saqlashdan so'ng astrologiya - munajjimlik ilmiga nega ixlosi balandligini batafsil tushuntirish barobarida alamli tarzda boy berilgan JCh-2006 finalini esga oldi. U yana irlandlarni alohida hurmat qilishi va sevishini yashirib o'tirmadi.
- Yo'q, men xalqning bosh dushmani emasdim, — deydi Raymon Domenek. — Asosiy g'anim Sarkozi edi, undan keyingina men...». Frantsuz mutaxassisining bu so'zlarida xotirjamlik va samimiylik alomatlarini osongina payqash mumkin. U hozirda o'zini ancha yaxshi his qilmoqda. Harqalay, umumiy holati 2010 yilning iyunidagiga nisbatan sezilarli darajada yaxshi. O'shanda Domenek JAR mundialidagi misli ko'rilmagan muvaffaqiyatsizlikdan so'ng Frantsiyaga g'oyat ayanchli ahvolda qaytgandi.
Aytishicha, unga peshvoz chiqqan o'g'li salomlashmasdan turib, so'ragan ekan: «Otajon, nima, seni qamoqqa tiqishadimi?» Ehtimolki, murabbiy panjara ortiga ravona bo'lishni xayoliga ham keltirmagandir. Lekin uning Frantsiya milliy jamoasi ustozi sifatidagi 6 yillik ishi shunday sharmandalik bilan xotima topishini aslo o'ylamagani aniq. Futbolchilarning oshkora noroziliklari, jamoaning o'ta sust ishtiroki... Ha, Domenek muxlislar ko'z o'ngida haqiqiy dushmandek gavdalangandi. Boz ustiga, u mutlaqo bemavrid so'z ochib, qandaydir mojaroga sababchi bo'lishga odatlangan.
Domenek ayni payt 64 yoshda va u 2010 yildan buyon hech qaysi jamoani boshqargani yo'q. Xullas, Frantsiya termasidan quvilgan murabbiyga ishonch bildiradigan jamoa hali-hamon topilmadi. To'g'ri, odamlarning unga munosabatlari nisbatan yumshaganini aytish joiz. Xullas, Raymon og'riqli yaralar bitishini taxminan 3 yil kutdi va shundan so'ng milliy jamoadagi ishiga bag'ishlangan kitobi - «Mutlaqo yolg'iz»ni chop ettirdi. Murabbiy tahlil va xulosa ko'rinishida yozgan bu kitobda o'zining ayrim xatolarini ochiq tan olgan va ularning sabablarini ham keltirgan. Qarangki, omadsiz mutaxassis qalamiga mansub futbol «asari» Frantsiyada katta qiziqish uyg'otdi. Muhimi, natijasi chakki emas, harqalay, odamlarning Domenekka nisbatan nafratlari biroz pasaydi.
- Dastxat-sessiya jarayonida odamlar oldimga kelib, elkamga do'stona urib qo'yishdi: «Ochig'i, bu kitobni o'qigunimcha seni ko'rarga ko'zim yo'q edi, — deya eslaydi Domenek. — Kimdir kitob bilan tanishib chiqishni xohlasa — yaxshi, bordiyu, mutolaadan keyin ham meni tanqid qilsa, unda tupurdim. Chunki kitobni oshkora yozdim, barchasini ro'y-rost bayon etdim, qolgani mening muammom emas.
Domenek o'z asarida jumladan, Frantsiya milliy jamoasiga futbolchi tanlashda munajjimlik, ya'ni astrologiyaga tayanganini qat'iyan inkor etgan. «Ha, o'ta qiziquvchan insonman, — deydi u. — Doimo odam tabiati, uning qanday shakllanishiga qiziqaman. Shuningdek, turli kommunikatsion texnikalar, o'zaro aloqa munosabatlari va boshqa narsalarni o'rganib chiqqanman. Bundan tashqari, astrologiya va grafologiya fanlariga mehrim o'zgacha. Agar grafologiya bilan shug'ullanishimni aytsam, hech kim ortiqcha ajablanmasdi. Negaki, bunda ilmiy asos bor. Biroq astrologiya boshqa narsa — hayot va borliqni o'rganish uchun nisbatan xayoliy yondashuv. Xullas, astrologiya haqida so'z ochganim bilan meni billur sharga qaraydigan folbinga chiqarib qo'yishdi. Eng achinarlisi, birov astrologiya inson xarakterini tushunishga yordam berishini inobatga olmadi. Qisqasi, bu fan bashorat qilish emas, balki insonni tushunish manbaidir. Shaxsan men o'z ishimda astrologiyadan shu maqsadda foydalanganman».
Domenek Frantsiya milliy jamoasi bosh murabbiyi sifatidagi ilk o'yini (Bosniya va Gertsegovina termasiga qarshi kechgan o'sha bahs 1:1 hisobida yakunlangan)dan so'ng har bir futbolchidan navbati bilan bosh-qalar ro'parasida turib, o'z fikrini bayon etishini talab qilgan ekan. O'shandayoq murabbiyning yuqori darajada ishlashga loyiq emasligi xususida gap-so'zlar boshlangandi. Qolaversa, Frantsiya futbol federatsiyasi rahbari Jan-Per Eskale aslida Domenek nomzodini ma'qullamagan, aksincha, u terma jamoa boshqaruvini Loran Blanga topshirishni xohlagan. Endi Domenekning so'zlariga e'tibor bering: «Frantsiya termasidagi butun faoliyatim davomida Eskale meni xuddi osib qo'yilgan yukni ko'taradigan arqon kabi tarang holda ushlab turdi».
Raymonning aytishicha, uning ishini hammasidan ko'ra, Frantsiya terma jamoasining o'sha avlod futbolchilaridagi xudbinlik, hurmatsizlik va mas'uliyatsizlik kabi salbiy xislatlar murakkablashtirgan. «Eng achinarlisi, bunday muammolar hali ham yo'qolgani yo'q,- deya ishonch bilan ta'kidlaydi Domenek. — Loran Blan Evro-2012 uchun futbolchilarni tanlayotgan vaqt shunday degandim: «Ko'ramiz, bundan nima chiqarkin? Agar Blanning jamoasi nimanidir qoyillatsa, ta'zim qilgan holda, futbolda hech baloni tushunmaydigan noshud va omadsiz ekanligimni tan olaman». Biroq hammasi qanday tugaganini bilamiz. Shundan so'ng terma jamoaning inqirozida yagona aybdor emasligimga yana bir marta ishonch hosil qildim. Demoqchimanki, hozirgi avlod futbolchilari bilan ishlash juda-juda qiyin, ayniqsa, Frantsiyada».
Qiziq, nega aynan Frantsiyada ishlash murakkab? «Muammo ham shunda-da - savolning javobi yo'q. Xorijdagi kuchli jamoalarda o'ynaydigan yigitlar u erlarda o'zlarini yaxshi tutishadi va qandaydir muammo keltirib chiqarishmaydi. O'ylaymanki, bu mahalliy futbol assotsiatsiyalari xizmati samarasi bo'lsa kerak. Zero, xorijda futbolchilardan muayyan tartib-intizom standartlariga rioya etishni qat'iy talab qilishadi va yigitlarimiz o'zlarini Frantsiyadagi kabi erkin qo'yib yuborishmaydi» - bu murabbiyning odob-axloq haqidagi fikri. Shu joyda yana bir tabiiy savol tug'iladi: Frantsiyada futbolchilarning yurish-turishlariga nega beparvo qarashadi? Domenekning bu savolga javobi oddiy: «Ochig'i, tushunarsiz holat. Umuman, futbolchilarni to'g'ri yo'nalishda harakatlanishga qanday majburlash mumkin? Mana, Dide Desham o'z zimmasidagi ishlarni ancha yaxshi uddalayapti, negaki, federatsiya va OAV uni to'liq qo'llab-quvvatlayapti. Evro-2016 tobora yaqinlashmoqda va barcha turnirda munosib ishtirok etishni o'ylayapti. Zero, futbolchilar hozirda jamoa ichida nisbatan tinchlanishdi. Ammo mashg'ulotlar bazasi tashqarisidagi umumiy holat haqida bunday deyolmayman».
Domenek JCh-2006da Frantsiya termasini finalga qadar etaklagandi. Biroq ko'pchilik Germaniya mundialidagi kumush medalni bosh murabbiy emas, avvalo, jamoa etakchisi Zayniddin Zidan bilan bog'laydi. «Ha, bunday yondashuvlardan qochib qutulolmaysan,— chuqur nafas oladi Domenek. — O'zi bizda shunaqa. Deylik, Mishel Idalgo butun umri davomida faqat bir gapni eshitgan: «Jamoang Platiniga tayanib o'ynagan». Bosh-qa bir misol, Kroyffga ustozlik qilgan har bir murabbiy «Barchasi Yoxan qo'lida, jamoada aynan u bosh odam - mashg'ulotlarni olib boradi, ko'rsatmalar beradi, taktika tanlaydi, qo'yingki, hammasini o'zi bajaradi» qabilidagi gaplarni eshitishga majbur bo'lardi. Xullas, bunday yondashuvga qarshi chiqishdan ma'no yo'q».
Domenek uchun terma jamoadagi faoliyatida eng esda qolarli xursandchilik bu 2006 yilgi jahon chempionati chorak finalida g'alaba qozonilganidir. O'shanda frantsuzlar turnir favoritlaridan biri - Braziliya termasini kurashdan chetga surishgandi. Murabbiyning xulosasiga ko'ra, yoqimli g'alabada eng katta rolni u tanlagan yuqori darajadagi «pressing» rejasi o'ynagan. Bunda Domenek braziliyaliklar himoyalanishni eplolmasliklarini inobatga olib, shogirdlariga ularni shu ishga majburlashni tayinlagan. «Darhaqiqat, ajoyib o'yin,-deya eslaydi Domenek braziliyaliklarga qarshi kechgan o'sha uchrashuvni. — Maydonga tushishdan oldin jamoaga aytgan gaplarim haligacha yodimda.
O'zi biz talab darajasida tayyorgarlik ko'rgandik va maydonda barcha o'ylagan rejalarimiz amalga oshgan. Shogirdlarimga shunday degandim: «Mana, ko'rasizlar, braziliyaliklar zaxiradan 3 nafar hujumkor futbolchini maydonga tushirishadi. Negaki, bundan yaxshiroq chora o'ylab topolmaydilar va bu bizning g'alaba qozonishimizni anglatadi. Eng muhimi, o'yinda voqealar aynan men aytgandek rivojlangandi (Anrining golidan so'ng Braziliya termasi murabbiylar shtabi ikkinchi bo'limda maydonga Adriano va Robinoni tushirgandi). Shunday o'yinda jamoaga ustozlik qilganimdan g'ururlanaman, albatta».
Domenek shunday yorqin lahzalar tufayli ham Frantsiya terma jamoasi bosh murabbiyi lavozimida o'tkazgan vaqtlari uchun achinmaydi, garchi aksar hollarda boshi tanqidlardan chiqmagan bo'lsada.
Davomi InterFUTBOL gazetasi blogida.
— deya xabar beradi uff.uz nashri.
- Yo'q, men xalqning bosh dushmani emasdim, — deydi Raymon Domenek. — Asosiy g'anim Sarkozi edi, undan keyingina men...». Frantsuz mutaxassisining bu so'zlarida xotirjamlik va samimiylik alomatlarini osongina payqash mumkin. U hozirda o'zini ancha yaxshi his qilmoqda. Harqalay, umumiy holati 2010 yilning iyunidagiga nisbatan sezilarli darajada yaxshi. O'shanda Domenek JAR mundialidagi misli ko'rilmagan muvaffaqiyatsizlikdan so'ng Frantsiyaga g'oyat ayanchli ahvolda qaytgandi.
Aytishicha, unga peshvoz chiqqan o'g'li salomlashmasdan turib, so'ragan ekan: «Otajon, nima, seni qamoqqa tiqishadimi?» Ehtimolki, murabbiy panjara ortiga ravona bo'lishni xayoliga ham keltirmagandir. Lekin uning Frantsiya milliy jamoasi ustozi sifatidagi 6 yillik ishi shunday sharmandalik bilan xotima topishini aslo o'ylamagani aniq. Futbolchilarning oshkora noroziliklari, jamoaning o'ta sust ishtiroki... Ha, Domenek muxlislar ko'z o'ngida haqiqiy dushmandek gavdalangandi. Boz ustiga, u mutlaqo bemavrid so'z ochib, qandaydir mojaroga sababchi bo'lishga odatlangan.
Domenek ayni payt 64 yoshda va u 2010 yildan buyon hech qaysi jamoani boshqargani yo'q. Xullas, Frantsiya termasidan quvilgan murabbiyga ishonch bildiradigan jamoa hali-hamon topilmadi. To'g'ri, odamlarning unga munosabatlari nisbatan yumshaganini aytish joiz. Xullas, Raymon og'riqli yaralar bitishini taxminan 3 yil kutdi va shundan so'ng milliy jamoadagi ishiga bag'ishlangan kitobi - «Mutlaqo yolg'iz»ni chop ettirdi. Murabbiy tahlil va xulosa ko'rinishida yozgan bu kitobda o'zining ayrim xatolarini ochiq tan olgan va ularning sabablarini ham keltirgan. Qarangki, omadsiz mutaxassis qalamiga mansub futbol «asari» Frantsiyada katta qiziqish uyg'otdi. Muhimi, natijasi chakki emas, harqalay, odamlarning Domenekka nisbatan nafratlari biroz pasaydi.
- Dastxat-sessiya jarayonida odamlar oldimga kelib, elkamga do'stona urib qo'yishdi: «Ochig'i, bu kitobni o'qigunimcha seni ko'rarga ko'zim yo'q edi, — deya eslaydi Domenek. — Kimdir kitob bilan tanishib chiqishni xohlasa — yaxshi, bordiyu, mutolaadan keyin ham meni tanqid qilsa, unda tupurdim. Chunki kitobni oshkora yozdim, barchasini ro'y-rost bayon etdim, qolgani mening muammom emas.
Domenek o'z asarida jumladan, Frantsiya milliy jamoasiga futbolchi tanlashda munajjimlik, ya'ni astrologiyaga tayanganini qat'iyan inkor etgan. «Ha, o'ta qiziquvchan insonman, — deydi u. — Doimo odam tabiati, uning qanday shakllanishiga qiziqaman. Shuningdek, turli kommunikatsion texnikalar, o'zaro aloqa munosabatlari va boshqa narsalarni o'rganib chiqqanman. Bundan tashqari, astrologiya va grafologiya fanlariga mehrim o'zgacha. Agar grafologiya bilan shug'ullanishimni aytsam, hech kim ortiqcha ajablanmasdi. Negaki, bunda ilmiy asos bor. Biroq astrologiya boshqa narsa — hayot va borliqni o'rganish uchun nisbatan xayoliy yondashuv. Xullas, astrologiya haqida so'z ochganim bilan meni billur sharga qaraydigan folbinga chiqarib qo'yishdi. Eng achinarlisi, birov astrologiya inson xarakterini tushunishga yordam berishini inobatga olmadi. Qisqasi, bu fan bashorat qilish emas, balki insonni tushunish manbaidir. Shaxsan men o'z ishimda astrologiyadan shu maqsadda foydalanganman».
Domenek Frantsiya milliy jamoasi bosh murabbiyi sifatidagi ilk o'yini (Bosniya va Gertsegovina termasiga qarshi kechgan o'sha bahs 1:1 hisobida yakunlangan)dan so'ng har bir futbolchidan navbati bilan bosh-qalar ro'parasida turib, o'z fikrini bayon etishini talab qilgan ekan. O'shandayoq murabbiyning yuqori darajada ishlashga loyiq emasligi xususida gap-so'zlar boshlangandi. Qolaversa, Frantsiya futbol federatsiyasi rahbari Jan-Per Eskale aslida Domenek nomzodini ma'qullamagan, aksincha, u terma jamoa boshqaruvini Loran Blanga topshirishni xohlagan. Endi Domenekning so'zlariga e'tibor bering: «Frantsiya termasidagi butun faoliyatim davomida Eskale meni xuddi osib qo'yilgan yukni ko'taradigan arqon kabi tarang holda ushlab turdi».
Raymonning aytishicha, uning ishini hammasidan ko'ra, Frantsiya terma jamoasining o'sha avlod futbolchilaridagi xudbinlik, hurmatsizlik va mas'uliyatsizlik kabi salbiy xislatlar murakkablashtirgan. «Eng achinarlisi, bunday muammolar hali ham yo'qolgani yo'q,- deya ishonch bilan ta'kidlaydi Domenek. — Loran Blan Evro-2012 uchun futbolchilarni tanlayotgan vaqt shunday degandim: «Ko'ramiz, bundan nima chiqarkin? Agar Blanning jamoasi nimanidir qoyillatsa, ta'zim qilgan holda, futbolda hech baloni tushunmaydigan noshud va omadsiz ekanligimni tan olaman». Biroq hammasi qanday tugaganini bilamiz. Shundan so'ng terma jamoaning inqirozida yagona aybdor emasligimga yana bir marta ishonch hosil qildim. Demoqchimanki, hozirgi avlod futbolchilari bilan ishlash juda-juda qiyin, ayniqsa, Frantsiyada».
Qiziq, nega aynan Frantsiyada ishlash murakkab? «Muammo ham shunda-da - savolning javobi yo'q. Xorijdagi kuchli jamoalarda o'ynaydigan yigitlar u erlarda o'zlarini yaxshi tutishadi va qandaydir muammo keltirib chiqarishmaydi. O'ylaymanki, bu mahalliy futbol assotsiatsiyalari xizmati samarasi bo'lsa kerak. Zero, xorijda futbolchilardan muayyan tartib-intizom standartlariga rioya etishni qat'iy talab qilishadi va yigitlarimiz o'zlarini Frantsiyadagi kabi erkin qo'yib yuborishmaydi» - bu murabbiyning odob-axloq haqidagi fikri. Shu joyda yana bir tabiiy savol tug'iladi: Frantsiyada futbolchilarning yurish-turishlariga nega beparvo qarashadi? Domenekning bu savolga javobi oddiy: «Ochig'i, tushunarsiz holat. Umuman, futbolchilarni to'g'ri yo'nalishda harakatlanishga qanday majburlash mumkin? Mana, Dide Desham o'z zimmasidagi ishlarni ancha yaxshi uddalayapti, negaki, federatsiya va OAV uni to'liq qo'llab-quvvatlayapti. Evro-2016 tobora yaqinlashmoqda va barcha turnirda munosib ishtirok etishni o'ylayapti. Zero, futbolchilar hozirda jamoa ichida nisbatan tinchlanishdi. Ammo mashg'ulotlar bazasi tashqarisidagi umumiy holat haqida bunday deyolmayman».
Domenek JCh-2006da Frantsiya termasini finalga qadar etaklagandi. Biroq ko'pchilik Germaniya mundialidagi kumush medalni bosh murabbiy emas, avvalo, jamoa etakchisi Zayniddin Zidan bilan bog'laydi. «Ha, bunday yondashuvlardan qochib qutulolmaysan,— chuqur nafas oladi Domenek. — O'zi bizda shunaqa. Deylik, Mishel Idalgo butun umri davomida faqat bir gapni eshitgan: «Jamoang Platiniga tayanib o'ynagan». Bosh-qa bir misol, Kroyffga ustozlik qilgan har bir murabbiy «Barchasi Yoxan qo'lida, jamoada aynan u bosh odam - mashg'ulotlarni olib boradi, ko'rsatmalar beradi, taktika tanlaydi, qo'yingki, hammasini o'zi bajaradi» qabilidagi gaplarni eshitishga majbur bo'lardi. Xullas, bunday yondashuvga qarshi chiqishdan ma'no yo'q».
Domenek uchun terma jamoadagi faoliyatida eng esda qolarli xursandchilik bu 2006 yilgi jahon chempionati chorak finalida g'alaba qozonilganidir. O'shanda frantsuzlar turnir favoritlaridan biri - Braziliya termasini kurashdan chetga surishgandi. Murabbiyning xulosasiga ko'ra, yoqimli g'alabada eng katta rolni u tanlagan yuqori darajadagi «pressing» rejasi o'ynagan. Bunda Domenek braziliyaliklar himoyalanishni eplolmasliklarini inobatga olib, shogirdlariga ularni shu ishga majburlashni tayinlagan. «Darhaqiqat, ajoyib o'yin,-deya eslaydi Domenek braziliyaliklarga qarshi kechgan o'sha uchrashuvni. — Maydonga tushishdan oldin jamoaga aytgan gaplarim haligacha yodimda.
O'zi biz talab darajasida tayyorgarlik ko'rgandik va maydonda barcha o'ylagan rejalarimiz amalga oshgan. Shogirdlarimga shunday degandim: «Mana, ko'rasizlar, braziliyaliklar zaxiradan 3 nafar hujumkor futbolchini maydonga tushirishadi. Negaki, bundan yaxshiroq chora o'ylab topolmaydilar va bu bizning g'alaba qozonishimizni anglatadi. Eng muhimi, o'yinda voqealar aynan men aytgandek rivojlangandi (Anrining golidan so'ng Braziliya termasi murabbiylar shtabi ikkinchi bo'limda maydonga Adriano va Robinoni tushirgandi). Shunday o'yinda jamoaga ustozlik qilganimdan g'ururlanaman, albatta».
Domenek shunday yorqin lahzalar tufayli ham Frantsiya terma jamoasi bosh murabbiyi lavozimida o'tkazgan vaqtlari uchun achinmaydi, garchi aksar hollarda boshi tanqidlardan chiqmagan bo'lsada.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
450