"Mash'al" navbatdagi uchrashuvini O'zbekiston kubogi 1/8 final javob o'yinida o'tkazadi. Bu o'yin Jizzaxda mahalliy "Sog'diyona" klubiga qarshi bo'lib o'tadi. Davron Fayziev jamoasi bilan bo'ladigan uchrashuv 21 may kuniga belgilangan. Bu o'yinga Aleksandr Xomyakov shogirdlarini jiddiy tayyorlamoqda.
Hozirda jarohatdan so'ng safga qaytgan himoyachi G'iyosjon Komilov ham umumiy guruhga qaytdi. Komilov "So'g'diyona" bilan chempionat uchrashuvidan jarohat olib safdan chiqqan edi va aynan shu jamoaga qarshi kubok bahsida endi maydonga tushishi mumkin.
Eslatib o'tamiz, O'zbekiston kubogining Muborakdagi 1/8 final birinchi uchrashuvida 1:1 hisobida durang qayd etilgan edi. Javob o'yini endi 21 may kuni Jizzaxdagi "So'g'diyona" o'yingohida 19:00 da start oladi.
— deya xabar beradi uff.uz nashri.