Madridning «Real» klubi 28 may kuni Chempionlar ligasi finalida «Atletiko» jamoasiga qarshi maydonga tushadi. Biz «Qirollik klubi»ning mazkur musobaqadagi barcha finallari haqida ma'lumot berib o'tishni joiz deb topdik.
ChK-1955/56 «Real Madrid» - «Reyms» 4:3
1956 yilning 13 iyunida ilk bora tashkillashtirilgan Chempionlar kubogining finaliga Ispaniyaning «Real» va Frantsiyaning «Reyms» jamoalari etib kelishdi. Uchrashuv Parijda sal kam 40 ming muxlis ko'z o'ngida bo'lib o'tgan edi. O'yin mezbonlarning ustunligida boshlandi. 6 daiqada Leblond hisobni ochgan bo'lsa, oradan 4 daqiqa o'tar o'tmas Templin oradagi farqni ikkitaga oshirdi. Ko'pchilik o'yin taqdiri hal bo'ldi va sovrin «Reyms»ga nasib etadi deb o'ylab turgan bir paytda, 14 daqiqada Di Stefano hisobni qisqartiradi. Rial birinchi taymdayoq muvozanatni tiklashga muvaffaq bo'ldi. 62 daqiqada Idalgo yana «Reyms»ni oldinga olib chiqadi. 5 daqiqadan so'ng Markutios hisobni 3:3 ga etkazadi. Uchrashuv tugashiga 11 daqiqa qolganida Rial «Real»ning to'rtinchi to'pini kiritib, ilk sovrin Xose Llorente boshchiligidagi ispan klubiga nasib etishini ta'minlab beradi. Ha, «Real» ilk finalda chinakamiga matonat ko'rsatgan edi.
ChK-1956/57 «Real Madrid» - «Fiorentina» 2:0
Bir yildan so'ng Madrid klubi yana hal qiluvchi o'yinga qadar etib keldi. Bu safar ularning raqibi Italiyaning «Fiorentina» klubi edi. «Santyago Bernabeu»da 124 ming muxlis ko'z o'ngida kechgan uchrashuvning birinchi bo'limida hisob ochilmadi. Ikkinchi taymda Di Stefano penaltidan hisobni ochgan bo'lsa, o'yin tugashiga 15 daqiqa qolganida Xento ikkinchi to'pni kiritadi va Llorente shogirdlari qatorasiga ikkinchi marta Evropada tengsiz bo'lishdi.
ChK-1957/58 «Real Madrid» - «Milan» 3:2
«Real»ning bu safargi raqibi ham italyan jamoasi bo'ldi. «Milan» bilan kechgan final o'yini Bryussel shahrida 67 ming muxlis guvohligida bo'lib o'tdi. Ushbu bellashuvda ham birinchi bo'limda hisob ochilmadi. Ikkinchi taym esa dramaga aylandi. 59 daqiqada Skiaffino «Rossoner»larni oldinga olib chiqadi. 74 daqiqada esa Di Stefano muvozanatni tikladi. 3 daqiqadan keyin Grillo yana Milanliklarni oldinga o'tib olishlarini ta'minlaydi. Biroq 2 daqiqadan keyin Rial yana hisobni teng holatga olib keldi. Natijada o'yin qo'shimcha taymlarga cho'ziladi. 107 daqiqada Xento «Real»ning uchinchi golini kiritadi va jamoasiga uchinchi sovrinni ham olib beradi. «Blankos» bosh murabbiyi argentinalik Luis Karnilya ushbu nufuzli turnirda g'olib chiqqan boshqa qit'alik ilk murabbiyga aylandi.
Davomi Furqat Yusupov blogida.
— deya xabar beradi uff.uz nashri.