Madridning «Real» klubi hujumchisi Krishtianu Ronaldu kecha jamoa mashg'ulotlarida ishtirok etmadi. Bunga sabab sifatida futbolchida yuzaga kelgan mushak charchog'i ko'rsatilgan.
Ronaldu trenajer zalida fizioterapevt ko'rigi ostida individual mashq o'tagan. Bu tadbir oldindan rejalashtirilgan bo'lib, Ronaldu Chempionlar ligasi finalida «Atletiko»ga qarshi kechadigan o'yinga maksimal tayyorgarlik hozirlik ko'rmoqda. Shu bilan birga klub shifokorlari hujumchi takroran jarohat olmasligi uchun extiyot choralarini ko'rishgan.
Eslatib o'tamiz, Ispaniya chempionati so'nggi turida «Valensiya»ga qarshi kechgan o'yinda Krishtianu Ronaldu jarohat olib, maydondan erta chiqib ketgan edi.
— deya xabar beradi uff.uz nashri.