Bugun Malayziya Super Ligasining birinchi davra uchrashuvlari poyoniga etadi. Ushbu chempionatda to'p surayotgan uch nafar legionerimiz bugun o'zlarining navbatdagi uchrashuvlarini o'tkazadi. Xususan chempionatda karvonboshchilik qilayotgan "Felda Yunayted" o'z maydonida "Penang"ga qarshi bahs yuritadi. Ushbu o'yinda Lutfulla To'raev jamoasi g'alaba qozonishni uddasidan chiqsa, "Joxor"ni qanday o'yin ko'rsatishidan qat'iy nazar, birinchi davrani peshqadam sifatida yakunlaydi. Dilshod Sharofetdinov boshchiligidagi "T-Tim" esa safarda "Terengganu" bilan kuch sinashadi. Mavsumni juda bo'sh o'tkazayotgan Vohid Shodiev to'p surayotgan "Perak" o'yinchilari bu gal o'z maydonlarida "Saravak"ni qarshilikini engishga harakat qiladi. Hozirda bu jamoalar autsayderlar qatorida turganligini aytish lozim.

— deya xabar beradi uff.uz nashri.