Germaniya kubokining final bahsi ushbu uchrashuvning bir nechta a'zolari uchun so'nggisi bo'lib qoladi. Birinchi navbatda, 3 yil Myunxen klubida o'zgacha uslub bilan ishlagan Xosep Gvardiola yangi mavsumda o'z manzilini o'zgartirishga qaror qilgan. Bundesliga shohsupasini 3 yildan beri zabt etib kelayotgan ispan mutaxasisi shuncha yil davomida 1 marta mamlakat kubogida zafar quchishga ulgurnan (2014). Bugungi uchrashuv oldidan myunxenliklarning maydonga o'zgacha shijoat bilan maydonga chiqishlari kutilmoqda. Chunki, Gvardiolaning xayrlashuv uchrashuviga shogirdlari ajoyib tuhfa tayyorlab qo'yishgan bu bejiz emas. Bundan tashqari uchrashuvda qanday hisob qayd etilmasin, jamoa muxlislari murabbiyning qilgan mexnatlarini uzoq vaqt yodda saqlab yurishadi.
Ikkinchi navbatda, bizni kutib turgan uchrashuv “Borussiya” Dortmundning markaziy himoyachisi Mats Xummels uchun ham so'nggisi bo'ladi. “Bavariya” o'zining “sahiy”lik odatini kanda qilmagan holda sariq-qizillarning 6 yillik sardorini yaqinda o'z safiga qo'shib oldi. Kelasi mavsumdan “Bavariya” libosini kiyadigan 27 yoshli futbolchi “qovog'arilar” safida 2008 yildan buyon faoliyat olib keladi. Himoyachining o'zi bo'lajak jamoasiga qarshi uchrashuvda shunchaki maydonga tushmoqchi emas balki sidqidildan o'yin namoyish qilib, Dortmund klubi bilan xayrlashuv uchrashuvida sovringa ega chiqib ketmoqchi.
Afsuski, yaqin vaqtga qadar bir jamoada to'p surib kelgan Mario Gettse hamda Ilkay Gyundogan Kubok finali bahsida maydonga tusha olishmaydi. Myunxenlik xavbeki Gettse kuni-kecha qovurg'asini shikastlagan bo'lsa, dortmundiklar markaziy yarim himoyachisi Ilkay tizzasi bilan bog'liq jarohatni boshidan o'tkazib kelmoqda. Voqeaning eng asosiy nuqtasi esa, ikki futbolchi ham o'z jamoalarini yozda tark etishlari deyarli aniq bo'lib qoldi. Gvardiola “Manchester Siti”ga Gyundoganni  olib kelish niyatida bo'lsa, yana bir boshqa mutaxassis Yurgen Klopp sobiq shogirdi Marioni “Liverpul”ga chorlamoqda. Bundan kelib chiqadi-ki, ikki futbolchi ham jamoalaridagi so'nggi o'yinlarini o'tkazishga ulgurib bo'lishgan.  
Tahmin bo'yicha Kubok finalida Aren Robben (Bavariya) hamda Neven Subbotich (Borussiya) a'zolari ishtirok eta olishmasliklari aniq. Biroq, ikki ispan Xabi Alonso va Xavi Martinesning maydonga tushishi so'roq ostida saqlanib turibdi. Ikki ispaniyalik futbolchilarning sog'likida biroz muammo mavjud. Lekin, bu holatdan “Bavariya” muxlislari xavotir olishlariga o'rin yo'q. Chunki, Xabi Alonso hamyurti Xosep Gvardiola ushbu uchrashuvda unga mos nomzod topib qo'ygan bo'lishi mumkin.
Tahminiy tarkib:
Bavariya: Noyer, Lam, Benatiya, Boateng, Alaba — Alonso, Kosta, Myuller, Vidal, Riberi — Levandovski.
Borussiya: Byurki, Pishek, Papastatopulos, Xummels, Shmeltser — Vaygl, Kastro, Mxitaryan, Kagava, Roys — Obameyang.
O'ynay olmaydi: Badshtuber, Robben – Subotich, Gyundogan, Pak.
So'roq ostida: Xabi Alonso, Xavi Martines.
Uchrashuvdan oldingi fikrlar:
Xosep Gvardiola, “Bavariya” bosh murabbiyi:
“Albatta, uchrashuvda g'alaba qozonish ta'lab etiladi. Chunki, bu – final! Ikki yil avval bu vaqtda qanday muhit bo'lganligidan xabarim bor. Ishonib bo'lmas darajada! Ertaga, esa ushbu muhit xavosidan yana bir bor nafas olish imkoniyati turibdi. Ushbu qulay vaziyatni qo'ldan boy bermoqchi emasman”
Jerom Boateng, “Bavariya” himoyachisi:
"Bizni, ertaga juda muhim o'yin kutib turibdi. Germaniyaning ikki eng yaxshi jamoalari o'zaro bahslashadigan kun yaqinlashib kelmoqda.  Maydonning har bir qarichi uchun astoydil kurashamiz. Ikki jamoa ham sovrin olishni istaydi. Biroq, g'olib bitta har doimgidek bitta bo'ladi.
Manuel Noyer, “Bavariya” darvozaboni:
“Bu chinakamiga nemischa klassiko. Avvalroq, mamlakat chempioni bo'lganimizni hozir eslab o'tirmoqchi emasman. Barcha o'y-hayollarim faqat final o'yiniga qaratilgan”
Tomas Tuxel, “Borussiya” bosh murabbiyi:
“Final bahsini sabrsizlik bilan kutmoqdaman. Asosiy - maqsadimiz kubokni yuqori ko'tarish. Oldimizga qo'yilgan vazifani bajarishimiz uchun yana ozgina vaqt qoldi. Faqat – g'alaba uchun maydonga tushamiz”
Marsel Shmeltser, “Borussiya” himoyachisi:
"Hozirgi “Borussiya” Germaniya Kubok bahsini 2012 yildagi kabi yutishga kuchi etadi. “Bavariya”ga qarshi “Atletiko” kabi o'yin ko'rsata olmasak ham, biroq o'z uslubimizni ko'rsatib g'alaba qozonmoqchimiz.
Mats Xummels, “Borussiya” himoyachisi:
“Bavariya” qarshiligiga ko'p marta to'qnash kelgan bo'lsamda, xar doimgi ishtiyoq kabi bo'lajak jamoam ustidan g'alaba qozonmoqchiman. Final o'yinida bo'sh o'yin ko'rsatish yarashmaydi.
Yaqin o'tmishga nazar:
- Ikki jamoa Germaniya Kuboki o'tgan mavsumning ½ finalida bahslashishgandi. Ushbu o'yinda “Borussiya” azaliy raqibi “Bavariya”ni penaltilar seriyasiga ko'ra ortda qoldirishga erishgan. (Asosiy vaqt, 1:1, 2:0 penaltilar seriyasi.)
- Germaniya Kubokining finalida esa 2014 yilda ro'baru kelishgan bo'lib, bunda myunxenliklarning qo'li baland kelgandi 2:0
 - “Borussiya”esa  “Bavari”yani 2012 yilgi Kubokfinalida 5:2 mag'lubiyatga uchratgan.
- 5 mart bo'lib o'tgan Bundesliga bahsida jamoalar jangovar durang (0:0) hisobini qayd etishgan. Akmal Eshonxonov
— deya xabar beradi uff.uz nashri.