O'zbekiston U-16 futbolchi qizlar terma jamoasi ayni damda Osiyo chempionati final bosqichiga tayyorgarlik ko'rmoqda.
Joriy yilning 4 — 15 noyabr kunlari Xitoyda qit'a birinchiligi bo'lib o'tadi. Unda Bahrom Norsafarov boshchiligidagi terma jamoamiz ishtirok etadi. Hozirda poytaxtimizda yig'in olib borayotgan futbolchi qizlarimiz etakchilaridan biri Shahnoza Qurbonova bilan terma jamoa oldiga qo'yilgan vazifalar va qizlarning qit'a chempionatiga tayyorgarligi borasida suhbatlashdik.
- Osiyo chempionatiga tayyorgarlik jarayoni qanday o'tmoqda?
- Musobaqaga yaxshi tayyorlanyapmiz. Murabbiylarimiz bizga buning uchun barcha sharoitlarni yaratib berishmoqda. “Mash'al-W” safida Oliy Ligada muntazam o'yin amaliyotiga ega bo'lyapmiz. Qolaversa, har bir o'yindan keyin yo'l qo'ygan xatolarimiz borasida bizga murabbiylarimiz tushuntirish ishlarini olib borishyapti. Menimcha, barchasi joyida.
- Oldinda terma jamoamizni yirik musobaqa kutib turibdi. Jamoada ichki muhit qanday?
- Jamoamiz juda ahil. Ichki muhit esa a'lo darajada, deb ayta olaman. Chunki hammamiz bir-birimizni yaxshi bilamiz. Barcha birgalashib, oldimizga qo'yilayotgan jiddiy vazifalarni bajarishga hozirlanyapmiz.
Davomi Sports.Uz blogida.
— deya xabar beradi uff.uz nashri.