“Barselona” jamoasi hujumchisi Luis Suares “Sevilya”ga qarshi (2:0) kechgan o'yinda jarohat olib, maydonni tark etishga majbur bo'lgandi. Urugvaylik futbolchining terma jamoasi safida “Kopa  Amerika” musobaqasida ishtiroki xavf ostida qolmoqda. “Tibbiy ko'rikdan o'tgach jarohat qanchalik og'ir ekanini bilish mumkin bo'ladi. Umid qilamanki, jarohat og'ir emas va Urugvay termasi safiga kelasi hafta qo'shila olaman. Meni qo'llab-quvvatlagan barchaga rahmat”, – dedi Suares. Ma'lumot uchun, “Kopa Amerika” musobaqasi 4 iyun sanasida AQShda start oladi. Urugvay ilk o'yinini 6 iyun kuni Meksika termasiga qarshi o'tkazadi. 
— deya xabar beradi uff.uz nashri.