“Yuventus” jamoasi himoyachisi Patris Evra turinliklar rahbariyatining 2018 yilgacha mo'ljallangan shartnomasini qabul qilganini aytdi. “Men klubning taklifini qabul qildim. “Yuventus” safida yana ikki yil to'p suraman”, – deb frantsiyalik futbolchining so'zlaridan iqtibos keltiradi La Gazzetta dello Sport. 34 yoshli futbolchining amaldagi kelishuvi joriy mavsum yakunigacha mo'ljallangan edi. Avvalroq Evraga bir yillik shartnoma taklif qilingandi. Ammo u ikki yillik kelishuvga imzo qo'yishini ma'lum qilganidan so'ng, “keksa sinora” uning talabini qondirdi. 
— deya xabar beradi uff.uz nashri.