“Manchester Yunayted” jamoasi rahbariyati bosh murabbiy Lui van Galni o'z lavozimidan bo'shatdi. Bu haqda Daily Mail xabar berdi. Manbaning ta'kidlashicha, “qizil iblislar” ijrochi direktori Ed Vudvord bugun tongda van Gal bilan uchrashib, unga klubda olib borgan ishi uchun tashakkur bildirdi hamda “MYu”ni Joze Mourino boshqarishini aytib o'tdi. Avvalroq portugaliyalik murabbiy “MYu”ni boshqarishga rozilik bildirgandi. Klub va murabbiy ertaga uchrashib, 3 yillik bitimning shartlarini kelishib olishi aytilmoqda. 
— deya xabar beradi uff.uz nashri.