Avval xabar berganimizdek, bugun O'FF anjumanlar zalida O'zbekiston Kubogining chorak finaliga yo'l olgan jamoalar rasmiylari ishtirokida yig'ilish bo'lib o'tdi. Unda qaysi klublar chorak finalni birinchi bo'lib o'z maydonida qabul qilish borasida qur'a tashlandi.
Qur'a natijalariga ko'ra, «Qo'qon-1912» birinchi o'yinni o'z maydonida o'tkazadigan bo'ldi. 5 iyul kuni Qo'qondagi “Markaziy” o'yingohida o'tkaziladigan bahsda “Buxoro”ga qarshi maydonga tushiladi.
Ushbu jamoalarning javob uchrashuvi 8 iyul kuni Buxoroda bo'lib o'tadi.
— deya xabar beradi uff.uz nashri.