Mamlakat chempionatining navbatdagi 10-turida Buxoroda “Buxoro” jamoasi mehmoni bo'lamiz. Bugun PFL 10-turda xizmat qiladigan hakamlar ro'yxatini e'lon qildi. Unga ko'ra Buxorodagi uchrashuvni Hasan Ro'ziev boshchiligidagi toshkentlik hakamlar brigadasi boshqarib boradigan bo'ldi.
Ro'zievga qanotlarda Olim Abduvosilov va Alisher Usmonovlar yordam berishadi. Zaxiradagi hakam vazifasini Rustam Lutfulin bajaradi. Nazoratchilik Baxtiyor Tog'aev zimmasiga yuklatilgan bo'lsa Buxoroga Grigoriy Rtveladze komissar sifatida tashrif buyuradi.
Qo'qonda o'tgan kubok bahsidan keyin futbolchilarimiz qisqa muddatlik ta'tilga chiqishgandi. Ertadan jamoamiz a'zolari “Buxoro” bilan bo'ladigan uchrashuvga tayyorgarlikni boshlashadi. Dastlab futbolchilarimiz mashg'ulotlarni bir necha kun Toshkentda olib borishadi. Hafta oxirlarida esa Buxoroga safar uyushtirish rejalashtirilgan.
— deya xabar beradi uff.uz nashri.