Madridning “Real” klubi hujumchisi Krishtianu Roanldu jamoaning so'nggi mashg'ulot vaqtida jarohat oldi. Bu haqida Marca xabar bermoqda. Mashg'ulotlar vaqtida portugaliyalik futbolchi darvozabon Kiko Kasilya bilan to'qnashib ketdi. Ronaldu oyog'ida og'riq sezib maydonga yotib oldi. So'ngra shifokorlar yordamga keldi va uni tekshirishdi. 31 yoshli hujumchi mashg'ulotlarni tark etishga majbur bo'ldi. Jarohat jiddiy emasligi aytilmoqda. Eslatib o'tamiz, “Real” EChL finalida “Atletiko”ga qarshi bahs olib boradi. Mazkur uchrashuv 28 may kuniga belgilangan. 
— deya xabar beradi uff.uz nashri.