Urgench shahrida 2004 yilda tug'ilgan o'smirlar o'rtasida o'tkazilgan O'zbekiston chempionati yakunlandi. Mazkur musobaqada qatnashgan “Navbahor” o'smirlari finalga qadar etib kelishni uddasidan chiqishgandi. Musobaqaning hal qiluvchi uchrashuvida vakillarimiz Xorazm viloyati terma jamoasi bilan bahs olib borishdi. urosasiz ruhda o'tgan o'yinda mezbonlar 2:0 hisobidagi g'alabani qo'lga kiritishdi. Shu tariqa Xorazm viloyati o'smirlari O'zbekiston chempioni degan sharafli nomga sazovor bo'lishdi. O'smirlarimiz esa ikkinchi o'rin bilan kifoyalanishdi. Chempionat nizomida 3-o'rin uchun o'yin o'tkazish ko'zda tutilmaganligi sababli yarim finalda mag'lub bo'lgan Farg'ona va Sirdaryo viloyati terma jamoalari faxrli uchinchi o'rin sohibiga aylanishdi. Chempionat yakunida g'olib va sovrindorlarni taqdirlash marosimi bo'lib o'tdi. Shuningdek, tashkilotchilar chiziqlar bo'yicha ham eng yaxshilarni aniqlashdi. Ular orasida tarbiyalanuvchilarimizni borligi ham quvonarlidir. Mansur Abdullaev chempionatning eng yaxshi himoyachisi deb topilgan bo'lsa Javohir Abdujabborov eng yaxshi hujumchi nominatsiyasida g'olib deb topildi.
— deya xabar beradi uff.uz nashri.