Mircha Luchesku “Zenit”ning yangi murabbiyi etib tayinlanishi mumkin. U haqda bilish kerak bo'lgan qiziqarli ma'lumotlarni hikoya qilamiz. “Shaxtyor” tarixidagi eng ko'p unvonga ega bo'lgan murabbiy Mircha Lucheskuning Donetskda nechta rekordni o'z hisobiga yozganini sanab ado qilish qiyin. Ukraina chempionati tarixida 8 marta zafar qozongan yagona murabbiy. Mamlakatning ichki chempionatida (572) va evrokubokda (134) juda ko'p o'yin o'tkazgan. Ukraina jamoasi bilan evrokubokni qo'lga kiritgan yagona murabbiy. “Shaxtyor”daligida 8 marta Ukrainaning eng yaxshi murabbiyi deb tan olingan, bunda 2008 yildan 2014 yilgacha ketma-ketiga 7 marta! Uning yoshi 70 da Agar Luchesku haqiqatan ham “Zenit” bilan shartnoma imzolasa, premer-ligadagi eng yoshi ulug' murabbiyga aylanadi. U hozirgi murabbiylar ichida eng tajribalisi, bu yil u 71 birga to'ladi. Bunday mutaxassisdan uzoq muddatli natija kutish unchalik to'g'ri bo'lmas, ammo qisqa muddat ichida ulkan muvaffaqiyatlarni kutish mumkin. U bunday natijani qo'lga kiritishi aniq. “Shaxtyor” bilan birinchi mavsumdayoq Ukraina chempionatini zab etgan Lucheskuga bir yil o'tib yana shu natijani takrorlash qiyinchlik tug'dirmagan. Luchesku – haqiqiqiy poliglot Mircha Luchesku “Shaxtyor”daligida matbuot konferentsiyalarida rumin tilida, tarjimon ishtirokida intervyu bergan. Ammo u o'z fikrini rus tilida bemalol bayon qila oladi.  Mashg'ulotlarda va musobaqalar oldidan u ko'rsatmalarini ikki tilda – rus va portugal tillarida beradi. U ishlagan davrda nechta braziliyalikning iste'dodi aynan “Shaxtyor”da yuzaga chiqqanidan xabaringiz bor.  Jurnalistlar oldida o'z ona tilida gapirishni ma'qul ko'rishini tushunsa bo'ladi: Mircha savollarga javob berar ekan, professional atamalarni ishlatishni ma'qul ko'radi, boshqa tilda gapirib u matbuot oldida nimanidir adashtirib yoki noto'g'ri aytib qo'yishni istamaydi Umuman olganda, Luchesku – haqiqiqiy poliglot: 6-8 tilni biladi. Ispancha, italyancha, frantsuzcha, inglizcha, turkcha. Xullas, “Zenit”ga singib ketish uning uchun muammo bo'lmaydi. “Oldi-sotdi”ni yaxshi ko'radi Mircha Luchesku – taniqli futbol tujjori. Uning “Shaxtyor”i transfer bozorida juda faol bo'lgan – taniqli braziliyaliklarni topib, ularni sotib olishda pulni ayamagan (masalan, Bernardo uchun 25 mln. evro), keyin Ukraina chempionati sharoiti va muntazam evrokuboklar maydonlarida ularni yulduzga aylantirib yuborgan. Agar “Shaxtyor” pullagan o'yinchilar ro'yxatiga qarasak, bunday mehnat besamar ketmaganini ko'ramiz: Elano va Fernandino “Manchester Siti”ga yaxshi narxga sotildi, “Barselona” esa  Dmitriy Chigrinskiy uchun og'rinmay 25 mln. to'ladi. Genrix Mxitaryan esa Dortmundning “Borussiya”siga, Duglas Kosta –“Bavariya”ga pullandi. Bular “konchilar”ning eng katta rekrutlari, hali bu klubda etilgan Brandao, Chiprian Marika, Rezvan Rats, Aleks Teysheyra, Luis Adrianolar haqida gapirmadik. Raqamlar aldamaydi – Luchasku transfer bozorida juda faol. “Shaxtyor”dagi 12  yillik faoliyati davomida u futbolchi sotib olish uchun 283,7 mln. evro sarflab, sotishdan 286 mln. evro daromad ko'rgan. Bu barqaror, yaxshi ko'rsatkich. Siyosiy vaziyat sabab Mirchening Donetskdan ketishi “Shaxtyor” uchun katta yo'qotish bo'ldi. “Konchilar” uchun eng katta xarajat Bernard (25 mln evro), Tayson, Chigrinskiy va Neri Kastilo (15 mln evrodan)larning sotib olinishi bo'lgan edi. Davomi Tafsilot.uz blogida
— deya xabar beradi uff.uz nashri.