"Andijon" futbolchilari Iqbol Boboxonova va Javlon Guseynovlar jarohatdan so'ng tiklanish mashqlariga kirishgan. Bu haqida klub rasmiy saytida ma'lum qilindi.
"Andijon" kecha klub qarorgohida yig'ildi va navbatdagi uchrashuvga tayyorgarlikni boshladi. 28 may, shanba kuni “Sog'lom Avlod” stadionida Qashqadaryo viloyati, G'uzor shahrining “Sho'rtan” jamoasi “Andijon”ning mehmoni bo'ladi.
Chempionatning 10-turidan o'rin olgan bo'lajak bahsga tayyorgarlik qizg'in. 9-turda “Qizilqum”ga qarshi bahsda qizil kartochka olgan Otabek Valijonov safga qo'shildi va “Sho'rtan”ga qarshi uchrashuvga astoydil hozirlik ko'rmoqda. Shuningdek jaroxat olib safdan chiqqan himoyachilar Iqbol Boboxonov bilan Javlon Guseynov ham tarkibga qo'shildi. Hozircha bu ikki futbolchi individual tarzda shug'ullanmoqda.
Himoyachi Azamat Isroilov va hujumchi Abdumalik Abdullaev “Universiada-2016” musobaqasida ishtirok etishi munosabati bilan navbatdagi bahsda jamoaga yordam bera olmaydi.
— deya xabar beradi uff.uz nashri.