«Manchester Yunayted» klubining afsonaviy hujumchisi Erik Kantona mankunianliklar boshqaruviga Joze Mourino kelishi munosabati bilan fikr bildirdi.
"Menga Mourino yoqadi, ammo u taklif etadigan futbol uslubi nuqtai nazaridan o'ylab qaraydigan bo'lsak, «MYu»ga mos keladi, deb o'ylamayman. Men uni shaxs sifatida yaxshi ko'raman, u futbolga katta ishtiyoq bilan qaraydi, barcha narsaga hajv ko'zi bilan qaray oladi. U aqlli va futbolchilardan maksimal darajasini namoyish etishni talab qila oladi. Va albatta sovrinlar yutib olishni yaxshi ko'radi.
Ammo menimcha «MYu» muxlislariga uning o'yin uslubi yoqmasa kerak. Hatto jamoa g'alaba qozonib turganda ham ular norozi bo'ladilar. «MYu»ga Gvardiolani olib kelish kerak edi. U Yoxan Kroyffning davomchisi hisoblanadi. Faqat u «MYu»ni o'zgartira olgan bo'lardi. Ha, u hozir ham Manchesterda, ammo kerak joyda emas", - deydi Kantona.
— deya xabar beradi uff.uz nashri.