Madridning "Real" klubi bosh murabbiyi Zinedin Zidan Chempionlar ligasi finali oldidan "Atletiko" ustozi Diego Simeone haqida iliq fikr bildirdi.
"Simeone allaqachon ulkan yutuqlarga erishgan, men esa hali ko'p narsalarni o'rganishim kerak. Simeone haqli ravishda dunyoning eng kuchli murabbiylaridan hisoblanadi. U futbol va ayniqsa o'z jamoasi haqida ko'p narsalarni biladi. U finalga chiqish uchun nimalar qilish lozimligini biladi. Faqat shuning o'ziyoq Simeoneni eng yaxshilar qatoriga qo'shadi.
U futbolchi sifatida ham maydonda kuchli iroda namoyish etar edi, endi esa shu ishini murabbiy sifatida davom ettirmoqda. Unda yaxshi murabbiy uchun kerak bo'lgan barcha jihat bor.
Eng birinchi navbatda esa u o'z futbolchilarini qay darajada yaxshi bilishini e'tirof etgan bo'lardim", - deydi Zidan.
— deya xabar beradi uff.uz nashri.