“Atletiko Madrid” jamoasi hujumchisi Antuan Grizmann kelasi mavsumda ham o'z faoliyatini Madrid klubida davom ettirishga ishonchi komil emas. Bu haqda frantsiyalik futbolchining agenti Erik Olxarts ma'lum qildi. “Ayni damda turli klublarning takliflarini ko'rib chiqyapmiz. Grizmann faoliyatini “Atletiko”dan davom ettirishiga ishonchi komil emas”, – dedi Erik Olxarts. Agentning ta'kidlashicha, uning mijoziga “PSJ”, “Manchester Yunayted” va “Chelsi” klublari qiziqish bildirgan. Eslatib o'tamiz, Grizmanning “Atletiko” bilan amaldagi kelishuv 2020 yilgacha mo'ljallangan. Uning tovon puli miqdori esa 80 mln evroga teng. 
— deya xabar beradi uff.uz nashri.