Qarshi shahridagi “Nasaf” futbol maktabida ayni paytda OFK tomonidan tashkil etilgan murabbiylar uchun "C" litsenziyasi o'quv kurslari davom etmoqda.
Mazkur seminar 16 may kuni boshlangan edi va 29 may kunigacha davom etadi. Ushbu seminarda viloyatimizdan  23 nafar murabbiylar ishtirok etishmoqda.
Seminarni Osiyo futbol konfederatsiyasi yo'riqchisi Zoyir Hasanov olib bormoqda. Unga Qashqadaryo futbol federatsiyasining musobaqalarni o'tkazish bo'limi boshlig'i Elbek Jo'raev muvofiqlashturuvchi sifatida yordam bermoqda.
OFK seminarida “Nasaf” o'rinbosarlari va futbol maktabida faoliyat yuritayotgan bir qancha murabbiylar ham ishtirok etishmoqda. Ushbu kurslarni muvaffaqiyatli tamomlagan murabbiylar OFKning “S” toifasidagi sertifikatlarga ega bo'lishadi.
— deya xabar beradi uff.uz nashri.