“Lokomotiv” futbol klubi kecha bo'lib o'tgan “Al-Hilol”ga qarshi Osiyo chempionlar ligasi nimchorak finali javob uchrashuvidagi g'alabasi, o'zbek futbol ishqibozlari qatori bizni ham quvontirdi.

Ular mamlakatimiz futbol ishqibozlarining bir necha yillik orzularini ro'yobga chiqarishdi. Endi ular OChLning chorak finalida yurtimiz futboli sha'nini himoya qilishadi. Ishonamizki, OChLda “Lokomotiv” klubining bu g'alabalik yurishlari uzoq davom etadi.

“Nasaf” PFK rahbariyati va jamoasi nomidan “Lokomotiv” klubining bunday muvaffaqiyati bilan samimiy muborakbod etamiz. Klub rahbariyatiga va barcha futbolchilarga navbatdagi uchrashuvlarda ham g'alaba qozonib, mamlakatimiz futboli obro'sini yanada yuksak darajaga ko'tarishida omadlar tilab tilaymiz.

“Nasaf” PFK jamoasi
— deya xabar beradi uff.uz nashri.