Odatimizga ko'ra, oliy liganing navbatdagi turi oldidan bashoratlarni taqdim etamiz. Bu safargi mehmonimiz ayni paytda «Xorazm» jamoasini boshqarayotgan Oleg Tyulkindir. Ushbu mutaxassis o'z vaqtida «Andijon», «Sho'rtan» va «Buxoro» kabi jamoalarda murabbiy bo'lib ishlagan. Futbolchilik faoliyatini esa «Traktor», «Andijon», «Kosonsoy», «Xiva» va «Sohibkor» klublarida o'tkazgan. 10-tur. 27 may (juma) «Obod» (Toshkent)-«So'G'diyona» (Jizzax) Hakamlar: D.Pislegin (Toshkent), B.Qodirov (Buxoro), A.Qo'ldoshev (Buxoro), A.Shukurullaev (Toshkent) Nazoratchi: M.Ismoilov (Toshkent). Komissar: A.Inoyatov. Mutaxassis bashorati: 30-30-40. 10-tur bahslariga «Obod» va «So'g'diyona» jamoalari o'rtasidagi uchrashuv bilan start beriladi. Hozircha oliy liga deb-yutanti hisoblangan «Obod» g'alaba qozonganicha yo'q. «So'g'diyona» esa mavsumni o'tgan yildagidan ko'ra yaxshiroq o'tkazmoqda. Jamoalarning hozirgi holatidan kelib chiqadigan bo'lsak, mazkur bahsda jizzaxliklar kichik hisobda zafar quchishadi. 28 may (shanba) «Paxtakor» (Toshkent)-«Neftchi» (Farg'ona) Hakamlar: A.Asimov (Toshkent), R.Serazetdinov (Toshkent), R.Shoyahmetov (Toshkent), D.Karimov (Toshkent) Nazoratchi: O.Rubakov (Toshkent). Komissar: V.Lyotkin. Mutaxassis bashorati: 50-30-20. «Paxtakor» kubok bahslarini alamli tarzda tark etdi. Shunday ekan, toshkentliklar endi bor e'tiborlarini chempionatga qaratishadi. Bundan bir necha yil oldin «Paxtakor» va «Neftchi»ning o'zaro to'qnashuvi katta qiziqishga sabab bo'lardi. Ayni paytda esa bunday deb bo'lmaydi. Barchasiga sabab «Neftchi»ning so'nggi yillarda kuchsizlanganidir. Bo'lajak uchrashuvda Toshkent jamoasining imkoniyatlari yuqoriroq. Taxminimizcha, bu o'yinda «Paxtakor» g'alaba qozonadi.  «Nasaf» (Qarshi)-«Bunyodkor» (Toshkent) Hakamlar: I.Tantashev (Buxoro), M.Saidqosimov (Toshkent), A.Tsapenko (Toshkent vil.), I.Ibragimov (Nukus) Nazoratchi: A.Popov (Toshkent). Komissar: F.Magometov. Mutaxassis bashorati: 40-30-30. Turning markaziy uchrashuvi. Hozirda faqatgina «Nasaf» poytaxt jamoalariga munosib qarshilik ko'rsatmoqda. «Bunyodkor» bilan bo'ladigan bahsda Ro'ziqul Berdiev shogirdlari g'alaba uchun bor imkoniyatlarini ishga solishadi. Albatta, «qaldirg'ochlar» ham shunchaki jon berishmaydi. Ammo ayrim faktorlarni inobatga oladigan bo'lsak, bu bahsda «Nasaf»ning qo'li baland keladi. «Olmaliq» (Olmaliq)-«Mash'al» (Muborak) Hakamlar: O.Tolibjonov (Toshkent), T.Galeev (Toshkent), A.Po'latov (Toshkent), Sh.Rajabov (Buxoro) Nazoratchi: I.Nexochin (Namangan). Komissar: B.Haydarov. Mutaxassis bashorati: 40-30-30. O'z maydonida yaxshi o'ynaydigan va safarda oqsaydigan jamoalar to'qnashuvi. Bundan kelib chiqadigan bo'lsak, «Mash'al»ga qarshi uchrashuvda «Olmaliq»ning imkoniyatlari yuqoriroq. Nima bo'lsa ham Olmaliqda qiziqarli o'yin guvohiga aylanamiz. Davomi InterFUTBOL gazetasi blogida.
— deya xabar beradi uff.uz nashri.