"Barselona" klubi sobiq futbolchisi Xavi Chempionlar ligasi finali haqida fikr bildirdi.
"Menimcha "Atletiko" finalda "Real"ni engadi va sovrinni qo'lga kiritadi. Ular astoydil mehnat qildilar va bunga munosib bo'lib turibdilar. Albatta bu menga yoqadigan o'yin uslubi emas, ammo "Atletiko"ning sovrin yutadigan vaqti keldi, deb o'ylayman.
Futbol har doim ikkinchi imkoniyatni taqdim etadi. "Atletiko"da o'yin taqdirini hal qila oladigan futbolchilar bor: Saul, Grizmann va Torres. "Real"da ham kuchli futbolchilar jamlangan va final ancha qiziqarli o'tishi turgan gap. Bu o'yinda Barselonada tomosha qilaman", - deydi Xavi.
— deya xabar beradi uff.uz nashri.