"Arsenal" klubi sobiq hujumchisi Terri Anri "MYu" boshqaruviga o'tishi kutilayotgan Joze Mourino haqida fikr bildirdi.
"Bu nafaqat klub, balki Angliya Premer ligasi uchun ham yaxshi yangilik bo'ldi. Angliya chempionatida yangi davr boshlanmoqda. Joze nimalar qila olishini hammamiz yaxshi bilamiz.
"Manchester Siti"ga qarshi kechadigan o'yinlar shundoq ham keskin o'tar edi. Gvardiola va Mourino kelgach barchasi yanada qiziqarliroq bo'ladi. O'yin boshlanishini betoqatlik bilan kutmoqdaman.
Mourino har doim futbolni o'zicha ko'radi. Bu uslub "MYu"ga u qadar to'g'ri kelmaydi. Endi yoshlar maydonga ko'p tushirilishini kutish qiyin. Joze xuddi van Gal singari yoshlarga ishonishda davom etishi kerak.
Muxlislar esa g'alabalarni kutadilar va Joze bu ishni uddalay oladi", - deydi Anri.
— deya xabar beradi uff.uz nashri.