Bugun O'zbekiston milliy chempionati - Oliy liga-2016 musobaqasining 10-tur uchrashuvlariga start beriladi. To'rt kun davomida mamlakatimizining sakkizta stadionlarida o'yinlar bo'lib o'tadi.
Jumladan, turni "Obod" - "So'g'diyona" uchrashuvi ochib beradi. Toshkentliklar nihoyat g'alaba qozonishlari kerak bo'ladi, aks holda 10ta turdan beri g'alaba qozona olmayotgan jamoa sifatida qayd etilishadi.
Ertaga turning ikkita markaziy uchrashuvi bo'ladi. Ularning biri Toshkentda mahalliy "Paxtakor" hamda Farg'onaning "Neftchi" jamoalari o'rtasida kechsa, ikkinchisi Qarshida "Nasaf" hamda "Bunyodkor" jamoalari o'rtasida o'tadi.
O'yinlar ko'p narsaga oydinlik kiritib beradi. Natijalar qaysidir jihatdan jadvalga ta'sir qilishi turgan gap.
"Lokomotiv"ni safarda "Qo'qon-1912"ga qarshi o'yin kutmoqda. Bundan tashqari, "Qizilqum" - "Metallurg" hamda "Buxoro" - "Navbahor" o'yinlari ham ko'pchilikning diqqat markazida bo'ladi. Andijon va Olmaliq shaharlaridagi bahslar ham qiziqarli o'tishi kutilmoqda.
Ushbu tur anonsi bilan tanishing: 10-tur 27.05.2016 17.00   Obod - So'g'diyona 28.05.2016 18.00   Andijon - Sho'rtan 18.30   Olmaliq - Mash'al 18.45   Paxtakor - Neftchi 19.00   Qizilqum - Metallurg 19.30   Nasaf - Bunyodkor 29.05.2016 19.00   Buxoro - Navbahor 30.05.2016 17.30   Qo'qon-1912 - Lokomotiv
— deya xabar beradi uff.uz nashri.