25 oktyabr kuni G'uzorda voha derbisi bo'lib o'tadi.
Oliy liganing 27-turidan o'rin olgan bu bahsga jamoamiz kechadan boshlab Muborakda jiddiy tayyorgarlikni boshlagan. Tarkibdagi yo'qotishlar borasida aytadigan bo'lsak, bu turda ham Humoyun Murtozaev jamoamizga yordam bera olmasligi mumkin. Undan tashqari Shohruh Dostonov ham safdan chiqqan. Yoshlar safida muntazam maydonga tushib kelayotgan Sirojiddin Allaev uchun ham mavsum deyarli yakunlangan. Allaev jarohat olgan va davolanmoqda.
Bu o'yinni buxorolik Ilgiz Tantashev boshchiligidagi hakamlar guruhi boshqarib borishi haqida xabar bergan edik. Ertaga jamoa o'rinbosarlari uchrashuvi 14:30 da start olsa, asosiy tarkib jamoalari o'yini 16:00 da boshlanadi.
— deya xabar beradi uff.uz nashri.