G'uzorning “Sho'rtan” klubi rahbariyati jamoa murabbiylar shtabini va jamoa safini kuchaytirish bo'yicha amaliy ishlarni amalga oshirmoqda.
To'g'ri, jamoa tarkibiga birinchi davra tugallaguncha futbolchi qo'shib olishni imkoni yo'q. Ammo aniq nomzodlar bo'lishiga hech qanday shubha yo'q. Buni davralar oralig'ida bilib olishimiz mumkin.
Bugun bizga ma'lum bo'ldiki, jamoa murabbiylar shtabida o'zgarish bo'lishi kutilmoqda. “Sho'rtan” PFK rahbariyati bugun jizzaxlik mutaxasis Zoyir Hasanov bilan o'zaro kelishuvga erishgan.
Zoyir Hasanov “Sho'rtan” murabbiylar shtabida jismoniy tayyorgarlik bo'yicha murabbiy sifatida, yangi oyning birinchi kunidan ish boshlashi kutilmoqda.
Ushbu mutaxasis ayni kunlarda Qarshi shahrida murabbiylar uchun OFK tomonidan o'quv seminari o'tkazmoqda. Ya'ni Zoyir Hasanov  2007 yildan beri OFK instruktori ham hisoblanadi.
Zoyir Hasanov to'g'risida umumiy ma'lumotlar:
Ismi sharifi: Hasanov Zoyir Ergashevich
Tug'ilgan sanasi: 25 aprel 1971 yil
Ma'lumoti: Oliy, 1992 yili Jizzax Davlat Institutini tamomlab, jismoniy tarbiya va futbol mutaxasisligini olgan.
Litsenziyasi: OFKning “A” toifali sertifikatiga ega
Futbolchi sifatida o'ynagan jamoalari: “Yoshlik” (Jizzax) – 1987-1989 yillar, “So'g'diyona” (Jizzax) – 1989-1991 yillar
Murabbiyligi: Zoyir Hasanov 1991 yildan turli jamoalarda murabbiylik faoliyatini olib borgan, jumladan Toshkentning “Lokomotiv”, Gulistoning “Guliston”, Zominning “Zomin” va “UzDongJu” jamoalarida ishlagan.
Zoyir Hasanov “Sho'rtan” klubi uchun begona emas, u 2012 yilgi mavsumda katta murabbiy vazifasini bajaruvchi sifatida faoliyat yuritgan. Bundan ko'rinadiki, “Sho'rtan” PFK direktori – Shodi aka Nomozov ushbu mutaxasisni oldindan bilgan.
— deya xabar beradi uff.uz nashri.