Yaqinlashib kelayotgan yozning birinchi oyida futbol ishqibozlari intizorlik bilan kutayotgan futbol bo'yicha Evropa chempionatining final bosqichiga start beriladi. Aytib o'tish joizki, ko'hna qit'a chempionati nufuzi jihatidan millionlar o'yini muxlislari orasida  mundialdan keyingi o'rinda turadi.
Frantsiyaning 10ta shahridagi muhtasham stadionlarda, 24ta jamoa o'rtasida   o'tkaziladigan musobaqa shu yilning 10 iyunida boshlanib, bir oy davom etadi va 10 iyul kuni yakuniga etadi.
Musobaqa mezboni qanday aniqlandi  
Tashkiliy qo'mitaga musobaqani o'z hududida o'tkazishni hohlagan 9ta davlat ariza tashlagan bo'lib, ulardan Norvegiya, Shvetsiya, Shotlandiya, Uels, Irlandiya va Rossiya turli sabablarga ko'ra o'z arizalarini qaytarib olgan. Shunday qilib, UEFA ijroiya qo'mitasining 13 a'zosi ishtirok etadigan so'ngi ovoz berish bosqichlarida Frantsiya, Turkiya va Italiya davlatlari qatnashdi. Tanlovning yakuniy qaroriga ko'ra o'z raqiblaridan ko'p ovoz olgan Frantsiya Evro-2016 mezboniga aylandi.
                    
Saralash bosqichi

Kvalifikatsion bosqichga qur'a tashlash marosimi 2014 yilning 23 fevralida Nitstsa shahrida bo'lib o'tdi. UEFA tashkiloti ushbu bosqich oldidan bir nechta qarorlar qabul qildi. Avvalgi Evro – 2008 saralashida bir-biriga qarshi o'ynashdan bosh tortgan  Armaniston va Ozarbayjon termalari siyosiy  sabablar tufayli Evro-2016 kvalifikatsiya musobaqasida ham bir guruhga qo'yilmadi. Ispaniya va Gibraltar termalari bilan ham shunday holat yuz bergan.  
Saralash musobaqalari tizimiga ko'ra 6 jamoadan iborat 8 guruh va 5 termadan tashkil topgan bitta guruh final yo'llanmasini kiritish uchun kurash olib bordilar. O'z guruhida g'olib bo'lgan va ikkinchi o'rinni qo'lga kiritgan termalar Evropa chempiontiga to'ridan-to'g'ri yo'l olgan bo'lsa, uchinchi o'rinni eng yaxshi ko'rsatkichlar bilan egallagan bir jamoa ham final ishtirokchisiga aylandi. Qolgan 8 guruhdagi uchinchi o'rin sohiblari o'zaro to'qnashishga majbur bo'ldilar.
Saralash bosqichida ishtirok etgan 54 jamoadan 23tasi final bosqichiga yo'llanma olib, musobaqa mezboni Frantsiya bilan birgalikda nufuzli musobaqada g'oliblik uchun kurashish imkoniyatini qo'lga kiritdi.  
Futbol bahslari o'tkaziladigan shahar va stadionlar
Evro 2016 o'yinlarini qabul qiluvchi shaharlar orasida bundan oldingi yillarda ham Evropa chempionti va jahon birinchiligini o'tkazganlari ham bor.
- Cen-Deni shahridagi “Stad de Frans” stadioni – 81,338 tamoshabinga mo'ljallangan.
- Marsel shahridagi “Velodrom” stadioni – 67,000 tamoshabinga mo'ljallangan
- Liondagi “Lyumer” o'yingohi – o'z bag'riga 61,556 muxlisni sig'dira oladi.
- Parij shahridagi “Park de Prens” stadioni 50,186 tamoshabinga mo'ljallangan
- Vilnyov-d’Ask shahridagi   “Per Morua” stadioni 50,186 tomoshabin uchun mo'ljallangan
- Lans shahridagi 45 ming sig'imga ega “Feliks Bollar” stadioni
- Bordodagi “Malmut Atlantik” stadioni sig'imi 42, 566 tamoshabin
- Sen-Eten shahridagi “Joffrua Gishar” o'yingohi o'z bag'riga 42 ming muxlisni sig'dira oladi
- Tuluzadagi “Tuluza” stadioni sig'imi 40 000 tamoshabin.
- Nitstsa shahridagi “Alyants Rivera” o'yingohi 35, 624 kishilik sig'imga ega  
Musobaqa formati va final bosqichiga qur'a tashlash marosimi  yakunlari
Ishtirokchi jamoalar safini 16tadan 24taga ko'paytirish maqsadida, final musobaqaiga qo'shimcha ikkita guruh qo'shildi va 1/8 bosqichi yana bittaga ko'paytirildi. Shunday qilib, pley-offga o'z guruhlarida birinchi, ikkinchi o'rinni egallagan jamoalar va uchinchi o'rinni qo'lga kiritishda boshqalarga nisbatan yaxshi ko'rsatkichga ega to'rtta terma yo'l oladi.   
Final bosqichiga qur'a tashlash marosimi Parijda 2015 yilning 12 dekabrida o'tkazildi.Terma jamoalar to'rtta savatchaga joylanib, birinchi savatchadan saralash bahsi ishtirokchilaridan hamda amaldagi Evropa chempioni hisoblangan  Ispaniya termasi joy oldilar. Qolgan 2, 3 va 4 savatchalarga oltitadan jamoaga joy berildi. Mezbon Frantsiya termasi hech qaysi savatchadan joy olmay, to'g'ridan-to'g'ri A guruhining birinchi qatoriga joylashgan.
Final bosqichi guruhlar tarkibi bilan tanishing:
Musobaqaning logotip va talismanlari
Chempionatning rasmiy lotipining ko'rinishi mana shunday. Bu ramzga portugaliyaning Brandia Central agentligi muallifdir. musobaqa talismani ya'ni tumorchasi Super Viktor bo'lib, uni ijtimoiy tarmoqlardagi so'rovnomalar orqali muxlislar tanlagan.     
Musobaqaning rasmiy to'pi

Adidas kompaniyasi tomonidan ishlab chiqarilgan musobaqaning rasmiy to'pi «Beau Jeu»(fr. “Maftunkor o'yin”) deb nomlanadi.
Musobaqa madhiyasi
Musobaqa madhiyasi muallifi frantsiyalik mashhur didjey Devid Getdir. Elmurod Ermatov tayyorladi
— deya xabar beradi uff.uz nashri.