Madridning "Real" klubi sardori Serxio Ramos Chempionlar ligasi finalida "Atletiko"ga qarshi kechadigan o'yin haqida fikr bildirdi.
"Biz bu jamoani juda yaxshi bilamiz. Ular finalga chiqish uchun munosib edilar. Raqibimiz bir necha favorit jamoalarni kurashdan chiqarib yubordilar va juda yaxshi formada bo'lib turibdilar. "Atletiko"ning ajoyib jamoasi bor va ular qanday kurashish lozimligini yaxshi biladilar.
Biz ancha og'ir o'yin kutmoqdamiz. Finalda g'alaba qozonish uchun astoydil bo'lish kerak. Bunday bahslarda kichik jihatlar hal qiluvchi bo'lishi mumkin. Bu o'yinda kam xato qilgan jamoa g'alaba qozonadi. Biz yahlit kuch sifatida birlashib, finalda g'alaba qozonishimiz kerak", - deydi Ramos.
— deya xabar beradi uff.uz nashri.