Rossiya premer-ligasi to'purarlari poygasida «Krasnodar» hujumchisi Fyodor Smolov yakka peshqadam bo'li. Vaholanki, uch yil avval bu futbolchi haqidagi fikrlari bilan o'rtoqlashgan mahalliy mutaxassislar orasida «buqalar» for-vardiga ishonch bildirmaganlari ham uchragandi. Mana, endi o'shalar aytgan gaplaridan uyalishayotgan bo'lsa, ajabmas. Xo'sh, mahoratli hujumchiga omad etish-mayotgan kezlari kim nima degandi? Aleksandr Bubnov, ekspert - Rossiya va Gollandiya yoshlar termalari o'rtasidagi o'yindan ke­yingi fikrlar (2013 yilning iyuli): - Fyodor futbolga bo'lgan munosabatini o'zgartirishi lozim. Uning yuksak iqtidori shubhadan xoli, ammo to'p surish chog'ida nimalarga e'tibor qaratishni Kokorindan o'rgansa arziydi. Muntazam ravishda gol urish uchun miyani charxlash lozim. U futbol berayotgan imkoniyatlardan huzurlanmoqda, ammo bor vujudi bilan o'ynashga intilmayapti. Smolov «Anji»da kuchli sheriklar bilan maydonga tushish imkoniyatidan ham foydalanmadi. Ishga jiddiy kirishish orqaligina vaziyatni o'zgartirish mumkin. Sergey Kiryakov, «Dinamo»ning sobiq hujumchisi (2013 yilning iyuli): - Fedya ko'proq moda jurnallari muqovasida ko'rinish berish emas, futbol haqida o'ylashi lozim. Hozirda u shunchaki umid qilib yashaydigan yoshdan o'tgan - o'zini ko'rsatish vaqti keldi. Agar Smolov aql bilan ish yuritib, fikru xayolini futbol bilan band etmasa, omadsiz futbolchilar qatoridan joy olishi ehtimoldan xoli emas. Dmitriy Bulikin taqdiri bunga yaqqol misol bo'la oladi. Valeriy Reyngold, ekspert (2013 yilning avgusti): - Hammasini o'yin bilan isbotlash zarur. Mana, Smolovni olaylik. U haqda necha marta gapirildi, men esa: kelinglar, kutaylik, o'zini yaqqol namoyon etolganicha yo'q, dedim. Fyodor gol urmayapti, bir xil o'yin ko'rsatyapti. Nihoyat, Kapello undan qutulishni istab, termaga chaqirmadi. Italiyalik mutaxassis to'g'ri qildi. Chunki milliy jamoada o'ynaydiganlarning darajasi yuqoriroq bo'lishi lozim. Aleksandr Mostovoy, ekspert (2013 yilning oktyabri): - Rossiya termasidan chaqiruv olish uchun raqiblar darvozasini ishg'ol qilish kerak, ayniqsa, hujumchi bo'lsang. «Dinamo» forvardining tarjimai holi yomon emas, ammo 23 yoshda bu imkoniyatlardan foydalanish zarur. Buni Kokorin ajoyib tarzda uddalamoqda. Evgeniy Lovchev, ekspert (2013 yilning oktyabri): - Murabbiylarning «Qanday qilib Smolovni o'ynatish mumkin?» deyishayotganidan xabarim bor. Shunga qaramay, klub yoki terma boshqaruviga kelgach, Fyodorni asosiy tarkibga kiritishadi. Shaxsan men Smolovni juda bo'sh futbolchi, deb bilaman, u - misoli puch yong'oq. Gap ushbu futbolchining gol urolmayotganligida emas. So'nggi o'yinda Fyodor xavbek sifatida to'p surdi, raqib aldab o'tsa, ortga qaytishga urinmadi. Bunisi qiziq! Bugun yarim himoyada o'ynagan bo'lsa, ertaga nima kutamiz? Zaxira o'rindig'iga «mixlanadimi»? Davomi InterFUTBOL gazetasi blogida
— deya xabar beradi uff.uz nashri.