Myunxenning "Bavariya" klubi hujumchisi Robert Levandovski faoliyatini "Real"da davom ettirishi mumkinligi borasida gapirib o'tdi. Uning "Qirollik klub"i bilan olib borgan muzokaralarini agenti Tsezari Kuxarski ham tasdiqlagan.
"Men Germaniyada olti yildan beri to'p suraman. Bu erda hamma narsani yutib olganman. Gohida boshqa klublardan keladigan jiddiy takliflar haqida ham o'ylab ko'rish kerak", - deydi Bild nashri Levandovski so'zlarini keltirib.
Eslatib o'tamiz, bu mavsumda polshalik futbolchi Bundesligada 32ta o'yin o'tkazib, 30ta gol urgan va ikkita golli uzatma bergan.
— deya xabar beradi uff.uz nashri.