Bugun Milan shahridagi "San-Siro" stadionida "Real" va "Atletiko" jamoalari o'rtasida Evropa Chempionlar ligasi finali bo'lib o'tadi.
Bugun muxlislarni qiziqarli va murosasiz bahs kutib turibdi, desak aslo mubolag'a bo'lmaydi.  
Agar Zinedin Zidan shogirdlari bosh sovrinni qo'lga kiritadigan bo'lishsa, bu ular uchun 11-Kubok bo'ladi. Agar "Atletiko" g'alaba qozonadigan bo'lsa, "Atletiko" ilk bor mazkur sovringa ega chiqqan bo'ladi.
Eslatib o'tamiz, "Real" - "Atletiko" uchrashuvi Toshkent vaqti bilan soat 23:45da boshlanadi. "UzReport TV" telekanali mazkur o'yinga bag'ishlgan translyatsiyani soat 21:45dan boshlab namoyish etadi.
Muxlislar final o'yinidan oldin o'tkaziladigan barcha tadbirlar, bayram marosimi, futbolchilarning mehmonxonadan boshlab stadiongacha bosib o'tadigan yo'llari, kiyim almashtirish xonasidagi tasvirlar, o'yinoldi mashg'uloti va boshqa ko'plab qiziqarli vaziyatlarni “UzReport TV” telekanali orqali to'g'ridan-to'g'ri efirda tomosha qilib borish imkoniyatiga ega bo'lishadi.
"Real" - "Atletiko" jamoalari o'rtasidagi final uchrashuvini Davron Fayziev sharhlab boradi. UzReportTV blogidan olindi.
— deya xabar beradi uff.uz nashri.