Afsonaviy nemis futbolchisi Frants Bekkenbauer Evropa Chempionlar ligasi finali haqida o'z fikrlari bilan o'rtoqlashdi.
«Bugun qattiq kurash kechishini kutyapman. «Real» va «Atletiko» o'rtasidagi o'yinni yaxshi eslayman, o'sha uchrashuvni o'yingohda tomosha qilgan edim. O'shanda «Atletiko» g'alaba qozonadigandek tuyilgan edi, biroq «Real» uchrashuv oxirida o'ziga kelgan va qo'shimcha taymlarda raqibni yanchib tashlagan edi. Shu bois mening fikrimcha, bugungi o'yinda ham asosiy bo'lim durang bilan yakunlanadi. Qo'shimcha taymlarda ham g'olib aniqlanmaydi. Chempion masalasi penaltilar seriyasi orqali hal etiladi», — deydi Bekkenbauer. «Atletiko» - «Real» uchrashuvi bugun Toshkent vaqti bilan 23:45da boshlanadi.
— deya xabar beradi uff.uz nashri.