Andijondan muxbirimiz Elmurod Ermatov xabar beradi:
Mehr- muruvatga muhtoj kishilar, bemorlar holidan xabar olish, saxovatpeshalik kabi fazilatlar xalqimizning azaliy qadriyatlaridan hisoblanadi.  
Bugun Andijon shahrida "Volonterskoe dvijenie Andijana" guruhi faollari viloyat qon quyish Markazi bilan hamkorlikda   ijtimoiy himoyaga muhtoj oilalarning bemor bolalari uchun  1 - iyun "Xalkaro bolalarni himoya kilish kuni"ga bag'ishlangan  “Sog'lom kelajak uchun”  hayriya aktsiyasini o'tkazdi.
Markaz binosi o'zgalar tashvishiga befarq bo'lmagan saxovatpesha insonlar bilan gavjum bo'lgani ham e'tiborga molik. O'zbekiston Xalq demokratik partiyasi viloyat Kengashi vakillari, “Rash- Milk” savdo belgisi, “AndTwiplle” a'zolari va boshqa  jamoatchilik tashkilotlari ushbu tadbirga beg'araz hissalarini qo'shdilar.     
Nodirbek To'ychiev boshchiligidagi “Andijon” futbol jamoasi muxlislar klubi, Andijon bodibilding va sambo federatsiyalari, “Andijon PFK” jamoasi vakilllari, “Zarbuloq” guruhi san'atkorlari ham savobli ishdan chetda qolmadilar.
Aktsiya davomida qon topshirib, donor degan sharafli nomga ega bo'lgan va moddiy hayriya qilgan insonlarga "Volonterskoe dvijenie Andijana" guruhining futbolka va brasletlari topshirildi.
Tadbir ishtirokchilari fikrlari bilan tanishing:
Begali Azimov, xalq deputatlari Oltinko'l tuman Kengashi deputati:   
- Bugungi o'tkazilgan hayriya tadbiri menda katta taassurot qoldirdi. O'ylaymanki, tadbir tashkilotchilari o'z oldilariga qo'ygan maqsadga erisha oldilar. Chunki, bugun qon berib donorlik qilgan yoki mablag' bilan xayriya qilgan har bir fuqarolarimizning himmati shifoxonalarda yotgan yoki sog'lom qonga muhtoj bo'lgan norasida yoshlar uchun ko'mak bo'lishi shubhasizdir.
Boburjon Ikromov, Xursandbek Saidakabarov hayriya tadbiri tashkilotchilari:
Andijonlik juda ko'p ko'ngillilarni ushbu aktsiyadagi chin yurakdan, faol ishtirok etganligi barchani xursand qildi. Tadbirni tashkil etishda yordam bergan viloyat qon quyish Markazi rahbari Dilfuzaxon opa Do'stmatovaga alohida minnatdorchilik bildiramiz.   Umid qilamazki, bu loyiha bir kunlik aktsiya sifatida qolib ketmaydi. Bundan keyin ham dolzarb bo'lgan hayriya tadbirlarini tashkil etishni rejalashtiryapmiz. Elmurod ERMATOV, Andijon    
— deya xabar beradi uff.uz nashri.